ایشیا کپ 2025 کے چوتھے میچ میں پاکستان نے عمان کو 93 رنز سے شکست دے دی ہے۔
ٹی 20ایشیا کپ کے دبئی انٹرنیشنل کرکٹ اسٹیڈیم میں کھیلے گئے میچ میں پاکستان نے ٹاس جیت کر پہلے بیٹنگ کا فیصلہ کیا، پاکستان نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 160 رنز بنائے۔
یہ بھی پڑھیں: ایشیا کپ: پاک بھارت میچ کے 90 فیصد ٹکٹس فروخت، دبئی میں جنون عروج پر
پاکستان کی جانب سے صائم ایوب اور سلمان آغا صفر پر آؤٹ ہوئے، صاحبزادہ فرحان 29، فخر زمان 23اور محمد نواز 19 رنز بنا کر نمایاں رہے، محمد حارث نے ناقابل شکست 66 رنز کی اننگز کھیلی۔
عمان کی جانب سے فیصل شاہ نے 3، محمد ندیم نے ایک اور عامر کلیم نے 3 وکٹیں حاصل کیں۔
پاکستان کی جوابی اننگز میں عمان کی پوری ٹیم 16.4 اوورز میں 67 رنز پر ڈھیر ہوگئی،پاکستان کی جانب سے شاہین شاہ آفریدی، ابرار احمد اور محمد نواز نے ایک، ایک وکٹ حاصل کی، صائم ایوب، سفیان مقیم اور فہیم اشرف نے 2،2 کھلاڑیوں کو آؤٹ کیا۔
یہ بھی پڑھیں: ایشیا کپ 2025: پاک بھارت میچ کے ٹکٹوں کی فروخت سست روی کا شکار
نیپال کی جانب سے عامر کلیم 13، حماد مرزا 27 اور شکیل احمد 10 رنز بنا کر نمایاں رہے، عمان کے 8 کھلاڑی ڈبل فگر میں داخل نہ ہوسکے۔
پاکستان اپنا اگلا میچ 14 ستمبر کو بھارت کے خلاف کھیلے گا۔
