اسرائیلی فوج کی کارروائیوں کے دوران غزہ کی پٹی میں انٹرنیٹ اور فون لائنز مکمل طور پر بند ہوگئیں۔ فلسطینی ٹیلی کمیونیکیشن کمپنی کے مطابق یہ تعطل جاری جارحیت اور مرکزی نیٹ ورک روٹس کو نشانہ بنانے کے باعث پیدا ہوا۔
رہائشیوں نے بتایا کہ اسرائیلی ٹینک غزہ سٹی کے کئی علاقوں میں داخل ہو گئے ہیں، خصوصاً شیخ رضوان اور تل الحوا میں شدید بمباری کے بعد۔ مقامی حکام کے مطابق جمعرات کو صرف غزہ سٹی میں 9 سمیت کم از کم 14 فلسطینی جاں بحق ہوئے۔
مزید پڑھیں: اسپین نے غزہ میں اسرائیلی جرائم کی تحقیقات کی منظوری دے دی
اسرائیلی فوج کا کہنا ہے کہ وہ غزہ سٹی میں دہشتگرد ڈھانچے کو تباہ کرنے اور جنگجوؤں کو ختم کرنے کی کارروائیاں تیز کر رہی ہے، تاہم ٹیلی کمیونیکیشن بلیک آؤٹ یا ٹینکوں کی پیش قدمی پر کوئی تبصرہ نہیں کیا گیا۔
غزہ کے دیگر جنوبی علاقوں خان یونس اور رفح میں بھی فوجی آپریشن جاری ہے، جب کہ لاکھوں بے گھر افراد سخت حالات کے باوجود شہر میں رہنے پر مجبور ہیں۔
