ایشیا کپ کے سپر فور مرحلے میں پاکستان اور بھارت کی کرکٹ ٹیمیں آج ایک بار پھر آمنے سامنے ہوں گی۔ یہ وہی میدان اور وہی ریفری (اینڈی پائی کرافٹ) ہیں، جن کے گرد گزشتہ میچ کے بعد ہینڈ شیک تنازع کھڑا ہوا تھا۔ اس وقت دونوں ٹیمیں کرکٹ اسٹیڈیم پہنچ گئی ہیں جبکہ شائقین کی آمد کا سلسلہ جاری ہے۔
#WATCH | Asia Cup 2025 Super 4 | Team Pakistan arrives at Dubai International Cricket Stadium for their match against India. pic.twitter.com/HZ5j7vHqWJ
— ANI (@ANI) September 21, 2025
پچھلے میچ کی شکست کا دباؤ
گروپ مرحلے میں بھارت نے پاکستان کو سات وکٹوں سے مات دی تھی، جس کے باعث گرین شرٹس پر آج کے میچ میں دباؤ بڑھ گیا ہے۔
Till recently frenemies on the cricket field, India and Pakistan matches now bound to be fractious
By Sandip Ghttps://t.co/ZBzCdng3Nu
— Express Sports (@IExpressSports) September 21, 2025
شائقین کرکٹ بھی اس میچ کو دونوں ٹیموں کے درمیان اعصاب کی جنگ قرار دے رہے ہیں۔
دبئی میں شائقین کا جوش و خروش
گزشتہ روز پاکستان ٹیم جب دبئی کرکٹ اکیڈمی پہنچی تو وہاں موجود بھارتی فینز نے ان کا والہانہ استقبال کیا۔
شائقین نے فخر زمان کے ساتھ تصاویر بنوائیں اور آٹوگراف حاصل کیے، جو ایک خوشگوار منظر تھا۔
چیئرمین پی سی بی کی کھلاڑیوں سے ملاقات
اس موقع پر چیئرمین پی سی بی محسن نقوی بھی ٹیم کے ساتھ موجود تھے۔ انہوں نے کوچ مائیک ہیسن، کپتان سلمان علی آغا اور دیگر کھلاڑیوں سے ملاقات کی اور ان کا حوصلہ بڑھایا۔
محسن نقوی کی آمد کے ساتھ ہی بھارتی کھلاڑی اور سپورٹنگ اسٹاف اپنا سیشن ختم کرکے ہوٹل واپس لوٹ گئے۔
پاکستانی اسکواڈ نے دبئی اکیڈمی میں پریکٹس کی، البتہ پریس کانفرنس نہیں کی۔ دوسری جانب بھارتی کپتان سوریا کمار یادو نے پریس کانفرنس میں پاکستان سے متعلق سوال کو نظرانداز کرتے ہوئے صرف اپنی ٹیم کی کارکردگی پر زور دیا۔
ہینڈ شیک تنازع اور ریفری کی معافی
یاد رہے کہ 14 ستمبر کو کھیلے گئے پاک بھارت میچ میں دونوں ٹیموں کے کپتانوں نے نہ تو ٹاس کے وقت اور نہ ہی میچ کے اختتام پر ہاتھ ملایا تھا۔
بعدازاں یہ انکشاف ہوا کہ میچ ریفری اینڈی پائی کرافٹ نے پاکستانی کپتان سلمان علی آغا کو بھارتی کپتان سے ہاتھ نہ ملانے کا کہا تھا۔
🚨WICKET🚨
Nuwan Thushara clean bowled Tanzid Hasan for 0.
Bangladesh: 1/1 after 0.5 overs
Target: 169#slvsban #BANvSL #banvssl #slvban #AsiaCup2025 #AsiaCup pic.twitter.com/PYW1lPRVWc— Asia Cup 2025 (@bgt2027) September 20, 2025
پاکستان کرکٹ بورڈ نے اس رویے پر شدید احتجاج کیا اور آئی سی سی کو ریفری ہٹانے کا مطالبہ کیا۔
تاہم دوسرے میچ سے قبل اینڈی پائی کرافٹ نے پاکستانی ٹیم سے باضابطہ معذرت کر لی، جس کی ویڈیو بھی جاری کر دی گئی۔
دبئی میں فیصلہ کن جنگ: پاکستان کا نیا اسکواڈ تیار
ایشیا کپ سپر فور مرحلے میں پاکستان اور بھارت آج ایک بار پھر دبئی انٹرنیشنل اسٹیڈیم میں آمنے سامنے ہوں گے۔
ممکنہ 11 کا اعلان
نجی چینل پر شائع یحییٰ حسینی کی رپورٹ کے مطابق پاکستان ٹیم مینجمنٹ نے بھارت کے خلاف اہم میچ کے لیے 12 کھلاڑیوں کا انتخاب کیا ہے۔
یہ بھی پڑھیں:ایشیا کپ: ہینڈ شیک تنازع کے بعد پاکستان اور بھارت آج پھر مدمقابل ہوں گے
تاہم خوشدل شاہ کی حتمی ٹیم میں شمولیت کے امکانات کم ہیں، جبکہ حسن نواز اور بائیں ہاتھ کے اسپنر سفیان مقیم پلیئنگ الیون کا حصہ نہیں ہوں گے۔
متوقع کھلاڑی
اطلاعات کے مطابق آج کے میچ میں پاکستان کی ممکنہ ٹیم صائم ایوب، صاحبزادہ فرحان، فخر زمان، فہیم اشرف، کپتان سلمان علی آغا، محمد نواز، حسین طلعت، وکٹ کیپر محمد حارث، شاہین شاہ آفریدی، حارث رؤف اور ابرار احمد پر مشتمل ہو سکتی ہے۔
حکمتِ عملی میں تبدیلی
رپورٹ کے مطابق کوچ مائیک ہیسن اور کپتان سلمان علی آغا نے بھارتی بیٹنگ لائن کو قابو کرنے کے لیے نئی حکمت عملی تیار کر لی ہے۔ ٹیم اس بار اسپن کے بجائے فاسٹ بولنگ پر زیادہ انحصار کرے گی۔
یہ بھی پڑھیں:‘احتجاج کیساتھ کھیلنے سے نہ کھیلنا ہی بہتر ہے،’ سابق بھارتی کرکٹر کی اپنی ٹیم کے رویے پر تنقید
یاد رہے کہ 6 روز قبل گروپ میچ میں بھارت نے پاکستان کو سات وکٹوں سے شکست دی تھی۔
‘احتجاج کیساتھ کھیلنے سے نہ کھیلنا ہی بہتر ہے’
بھارت اور پاکستان کے درمیان ایشیا کپ 2025 کے اہم ٹاکرے سے قبل کرکٹ حکمت عملی کے بجائے گذشتہ میچ کے بعد سامنے آنے والے ہینڈ شیک تنازعہ نے ماحول کو مزید گرما دیا ہے۔
گزشتہ میچ میں بھارتی کھلاڑیوں نے پاکستانی کھلاڑیوں سے ہاتھ ملانے سے گریز کیا تھا، جس پر پی سی بی نے آئی سی سی کو شکایت کی۔ اس معاملے نے دونوں ٹیموں کے اگلے ٹاکرے کو مزید سنسنی خیز بنا دیا ہے۔
یہ بھی پڑھیے: ایشیا کپ میں ہاتھ نہ ملانے کا تنازعہ، اس حوالے سے کرکٹ قوانین کیا ہیں؟
سابق بھارتی کپتان محمد اظہرالدین اور سابق کرکٹر نکھل چوپڑا نے اس تنازعے پر اپنے سخت ردعمل دیے۔ اظہرالدین نے اس معاملے کو بلاوجہ کا ہنگامہ قرار دیا۔ ان کا کہنا تھا کہ میرے خیال میں ہاتھ ملانے میں کوئی مسئلہ نہیں ہے۔ جب آپ کھیل رہے ہیں تو سب کچھ کرنا چاہیے، ہاتھ ملانا بھی۔ مجھے سمجھ نہیں آتا کہ اس میں کیا مسئلہ ہے۔
انہوں نے خبردار کیا کہ احتجاج کے انداز میں کھیلنا درست نہیں۔ اگر آپ احتجاج کے ساتھ کھیل رہے ہیں تو بہتر ہے بالکل نہ کھیلیں۔ جب آپ نے کھیلنے پر رضامندی ظاہر کر دی چاہے وہ آئی سی سی کا ایونٹ ہو یا ایشیا کپ، تو پھر پوری شدت سے کھیلنا چاہیے۔ ورنہ کھیلنے کی ضرورت ہی نہیں۔
نکھل چوپڑا نے مختلف رائے دی اور اشارہ کیا کہ ممکن ہے میدان میں کسی قسم کی تلخ کلامی اس کی وجہ بنی ہو۔ ان کا کہنا تھا کہ مجھے لگتا ہے کہ شاید اس میچ میں کچھ کھلاڑیوں کے ساتھ سخت جملے کہے گئے ہوں اور اس کے نتیجے میں بطور یونٹ گوتم گمبھیر اور سوریہ کمار یادو نے کہا ہو کہ ہم ہاتھ نہیں ملائیں گے۔ ممکن ہے دوران میچ کوئی زبانی جھگڑا ہوا ہو۔
یہ بھی پڑھیے: بھارتی کپتان کو محسن نقوی اور سلمان آغا سے مصافحہ کرنا مہنگا پڑگیا، غدار قرار دے دیا گیا
ان کا مزید کہنا تھا کہ ایسی تنازعات کھلاڑیوں کی توجہ پر اثر ڈالتے ہیں اور بڑے ایونٹس میں احتجاجی رویہ نقصان دہ ثابت ہو سکتا ہے۔
چوپڑا نے کہا کہ ہم سب سمجھ رہے ہیں کہ ’پکچر ابھی باقی ہے‘۔ بتائیے پچھلے کتنے سالوں میں ایسا کب ہوا ہے کہ بھارت اور پاکستان کے درمیان میچ میں کوئی ڈرامہ نہ ہوا ہو؟ ہمیشہ کچھ نیا سامنے آتا ہے۔
اظہرالدین نے بھی واضح کیا کہ ہر مقابلے کی اپنی حرکیات ہوتی ہیں اور یہ حالات پر منحصر ہے۔
بمرا اور چکرورتی کی واپسی، پاکستان کے خلاف بھارتی ٹیم میں ردوبدل
ایشیا کپ کے سپر فور مرحلے میں پاکستان کے خلاف اہم میچ کے لیے بھارتی ٹیم میں بڑے ردوبدل کیے جانے کا امکان ظاہر کیا جا رہا ہے۔
یہ بھی پڑھیں:ایشیا کپ: ہینڈ شیک تنازع کے بعد پاکستان اور بھارت آج پھر مدمقابل ہوں گے
نجی چینل کے سہیل عمران کی رپورٹ کے مطابق بھارتی میڈیا کے مطابق فاسٹ بولر جسپریت بمرا اور بیٹر ورون چکرورتی کو آج کے میچ میں فائنل الیون کا حصہ بنایا جائے گا۔
رپورٹ کے مطابق بمرا اور چکرورتی کو عمان کے خلاف میچ میں آرام دیا گیا تھا لیکن پاکستان کے خلاف انہیں واپس اسکواڈ میں شامل کیا جا رہا ہے۔
بھارتی میڈیا رپورٹس میں بتایا گیا ہے کہ ان دونوں کی واپسی کے ساتھ ہرشیت رانا اور ارشدیپ سنگھ کو پلیئنگ الیون سے ڈراپ کیے جانے کا فیصلہ کیا گیا ہے۔
یاد رہے بھارت نے ایشیا کپ میں اب تک اپنے تینوں میچز جیتے ہیں، جبکہ پاکستان نے تین میں سے دو میچز میں کامیابی حاصل کی۔ بھارت کے خلاف ہونے والے گزشتہ میچ میں قومی ٹیم کو شکست کا سامنا کرنا پڑا تھا۔
ٹورنامنٹ کے سپر فور مرحلے میں آج دونوں ٹیمیں ایک بار پھر آمنے سامنے ہوں گی اور امکان ہے کہ پاکستان بھی اپنی فائنل الیون میں دو تبدیلیاں کرے گا تاکہ بھارتی اسکواڈ کی مضبوطی کا مقابلہ کیا جا سکے۔
