ایشیا کپ ٹی20 کے اہم میچ میں پاکستان کو سری لنکا کے خلاف 134 رنز کے ہدف کے تعاقب میں مشکلات کا سامنا ہے۔ 11 اوورز میں قومی ٹیم نے 5 وکٹوں کے نقصان پر 80 رنز بنائے ہیں۔
ابتدائی بلے بازوں میں صاحبزادہ فرحان نے 24 رنز کی تیز اننگز کھیلی جبکہ فخر زمان 17 رنز بنا کر آؤٹ ہوئے۔ نوجوان بلے باز صائم ایوب صرف 2 رنز بنا سکے۔
کپتان سلمان آغا 5 رنز پر ایل بی ڈبلیو ہوئے، طلعت حسین اور محمد حارث کریز پر موجود ہیں۔
پاکستان کو کامیابی کے لیے مزید 84 رنز درکار ہیں جبکہ 80 گیندیں باقی ہیں۔ میچ کے اس مرحلے پر جیتنے کے امکانات کے اعتبار سے پاکستان کی کامیابی کے امکانات 81 فیصد اور سری لنکا کے 18 فیصد بتائے جا رہے ہیں۔
ایشیا کپ 2025 کے سپر فور مرحلے کے اہم میچ میں سری لنکا کے 134 رنز کے ہدف کے تعاقب میں پاکستان کی بیٹنگ جاری ہے، پاکستان نے ٹاس جیت کر پہلے سری لنکا کو بیٹنگ کی دعوت دی۔
ایشیا کپ 2025 کے سپر فور مرحلے کے اہم میچ میں پاکستان نے سری لنکا کے بیٹسمینوں کو کھل کر کھیلنے کا موقع نہ دیا اور پوری اننگز میں سخت دباؤ برقرار رکھا۔ سری لنکن ٹیم مقررہ 20 اوورز میں آٹھ وکٹوں کے نقصان پر صرف 133 رنز بنا سکی۔
کمیندو مینڈس نے ذمہ دارانہ بیٹنگ کرتے ہوئے 50 رنز کی اننگز کھیلی، جبکہ کپتان چریتھ اسالنکا 20 اور ونانڈو ہسارانگا 15 رنز بنا کر نمایاں رہے۔ باقی بلے باز پاکستانی باؤلرز کے سامنے بے بس دکھائی دیے۔
پاکستان کی جانب سے شاہین شاہ آفریدی سب سے کامیاب باؤلر ثابت ہوئے، انہوں نے 28 رنز دے کر تین وکٹیں حاصل کیں۔ حسین طلعت نے دو شکار کیے جبکہ حارث رؤف نے بھی دو کھلاڑیوں کو آؤٹ کیا۔ ابرار احمد نے اپنے چار اوورز میں صرف 8 رنز کے عوض ایک وکٹ لی۔
میچ کے لائیو فورکاسٹ کے مطابق 134 رنز کا ہدف حاصل کرنے کے امکانات 74 فیصد تک پاکستان کے حق میں ہیں۔
📸🪙©️
Pakistan are bowling first in Abu Dhabi 🏏#PAKvSL | #BackTheBoysInGreen | #AsiaCup2025 pic.twitter.com/QJ17SghmcR
— Pakistan Cricket (@TheRealPCB) September 23, 2025
یہ میچ دونوں ٹیموں کے لیے نہایت اہم ہے کیونکہ سپر4 مرحلے میں فتح ٹورنامنٹ کے فائنل تک رسائی کے امکانات کو مضبوط کرے گی۔ شائقین کرکٹ کی نظریں خاص طور پر پاکستانی بولنگ اٹیک اور سری لنکن بلے بازوں کی کارکردگی پر جمی ہوئی ہیں۔
مزید پڑھیں: پاکستان کی مشکلات میں اضافہ، آخری 5 ٹی20 میچوں میں سری لنکا کے خلاف کوئی کامیابی نہ مل سکی
🚨 TOSS & PLAYING XI 🚨
Pakistan win the toss and opt to field first 🏏
Unchanged team for today’s match 🇵🇰#PAKvSL | #BackTheBoysInGreen | #AsiaCup2025 pic.twitter.com/AhZ159Fwa4
— Pakistan Cricket (@TheRealPCB) September 23, 2025
ریکارڈز کے مطابق پاکستان نے ابوظہبی میں 9 میں سے 7 ٹی20 میچ جیت رکھے ہیں جن میں 3 کامیابیاں سری لنکا کے خلاف ہیں۔ تاہم سری لنکا نے اسی میدان پر حالیہ دنوں میں بنگلہ دیش اور افغانستان کو شکست دی ہے اور کنڈیشنز کا فائدہ اٹھا سکتا ہے۔
ACC Men’s Asia Cup 2025 – Sri Lanka Team Update
Matheesha Pathirana is unwell and will not be available for selection for today’s game against Pakistan.
He did not take part in team practice sessions during the last two days and is currently under medical treatment. pic.twitter.com/Yi6Gq5dJ40
— Sri Lanka Cricket 🇱🇰 (@OfficialSLC) September 23, 2025
تمام تر عوامل کو دیکھتے ہوئے آج کا یہ میچ نہایت سنسنی خیز ہونے کا امکان ہے اور یہ مقابلہ دونوں ٹیموں کی ایشیا کپ فائنل تک رسائی کا فیصلہ بھی کر سکتا ہے۔
