لاہور کے قذافی اسٹیڈیم میں پاکستان ویمنز ٹیم نے جنوبی افریقہ کو تیسرے اور آخری ون ڈے میچ میں شکست دے کر سیریز میں کامیابی حاصل کی۔ پاکستان نے یہ میچ 6 وکٹوں سے جیتا، تاہم تین میچوں کی سیریز 1-2 سے جنوبی افریقہ کے نام رہی۔
یہ بھی پڑھیں: قومی ویمن ٹیم کی ویسٹ انڈیز کے خلاف ٹی ٹوئنٹی سیریز میں پہلی کامیابی
جنوبی افریقہ نے ٹاس جیت کر پہلے بیٹنگ کا فیصلہ کیا لیکن پاکستانی باؤلرز نے شاندار کارکردگی دکھائی۔ مہمان ٹیم کی پوری اننگز صرف 115 رنز پر سمٹ گئی۔ کپتان لاورا وولوارڈٹ 28 رنز کے ساتھ نمایاں رہیں، جبکہ باقی کھلاڑی پاکستانی اسپنرز کے سامنے زیادہ دیر نہ ٹھہر سکیں۔
پاکستان کی جانب سے نشرا سندھو نے تباہ کن باؤلنگ کرتے ہوئے 9 اوورز میں 26 رنز کے عوض 6 کھلاڑیوں کو آؤٹ کیا۔ سیدہ اروب شاہ نے 2 جبکہ ڈیانا بیگ اور عمائمہ سہیل نے ایک، ایک وکٹ حاصل کی۔
✨ Muneeba Ali finds the gaps! 2 classy fours in an over 🏏
📺 Watch Live ➡️ https://t.co/HTwBrsMvb3#PAKWvSAW | #BackOurGirls pic.twitter.com/GKZxfQ01hi
— Pakistan Cricket (@TheRealPCB) September 22, 2025
116 رنز کے تعاقب میں پاکستان کی بیٹنگ لائن ابتدا میں دباؤ کا شکار ہوئی جب عمائمہ سہیل بغیر کھاتہ کھولے آؤٹ ہوگئیں۔ تاہم مونیبہ علی اور سدرہ امین نے ذمہ دارانہ کھیل پیش کیا۔ مونیبہ علی نے 76 گیندوں پر 44 رنز بنائے جبکہ سدرہ امین نے 94 گیندوں پر نصف سنچری مکمل کرتے ہوئے 50 رنز ناٹ آؤٹ اسکور کیے۔
یہ بھی پڑھیں: قومی ویمن ٹیم نے ٹی ٹوئنٹی میچ میں جنوبی افریقہ کو سنسنی خیز مقابلے کے بعد 5 وکٹوں سے ہرادیا
ناتالیہ پرویز نے بھی 14 رنز کی تیز اننگز کھیلی اور پاکستان نے 31ویں اوور میں 117 رنز بنا کر ہدف حاصل کرلیا۔
Comprehensive performance! Pakistan Women defeat South Africa by 6 wickets in the 3rd ODI 🙌#PAKWvSAW | #BackOurGirls pic.twitter.com/iNvPLba7X5
— Pakistan Cricket (@TheRealPCB) September 22, 2025
نشرہ بھی ۔۔۔
شاندار بولنگ کرنے پر پاکستان کی نشرہ سندھوکو پلیئر آف دی میچ کا ایوارڈ دیا گیا۔
بہترین کھلاڑی کا ایوارڈ لینے کے بعد نشرہ نے بھی سدرہ امین اور حارث رؤف کی طرح انگلیوں کے اشارے سے 6 کا نشان بنایا۔
🌟 Player of the Match🌟
💫 Nashra Sundhu takes award & cash prize for her ODI's career-best 6/26 🔥#PAKWvSAW | #BackOurGirls pic.twitter.com/kuUuJv7LPI
— Pakistan Cricket (@TheRealPCB) September 22, 2025
نشرہ سندھو اپنے کیریئر کی بہترین بولنگ کرتے ہوئے 6 وکٹیں لیں اور پلیئر آف دی میچ کا ایوارڈ جیتنے کے بعد 6 کا اشارہ کیا۔
