پاکستان پیپلز پارٹی کے چیئرمین بلاول بھٹو زرداری نے اسرائیل کی جانب سے گلوبل صمود فلوٹیلا کو روکنے اور ڈاکٹروں و رضاکاروں کو حراست میں لینے کی شدید مذمت کی ہے۔
سوشل میڈیا پلیٹ فارم ایکس پر اپنے ردعمل میں بلاول بھٹو زرداری نے کہا کہ کھانا اور دوا کوئی خطرہ نہیں، اسرائیل کا یہ اقدام انسانیت پر کھلا حملہ ہے۔
Food & medicine are not threats. Israel’s interception of the #GlobalSumudFlotilla, detaining doctors, activists & Pakistan’s Senator Mushtaq Ahmad Khan, is a flagrant assault on international law & conscience. We demand immediate release, humanitarian corridors to Gaza, and…
— Bilawal Bhutto Zardari (@BBhuttoZardari) October 3, 2025
انہوں نے کہا کہ اسرائیل نے پاکستان کے سینیٹر مشتاق احمد خان کو حراست میں لے کر بین الاقوامی قوانین کی کھلی خلاف ورزی کی ہے، جو ناقابلِ قبول ہے۔
یہ بھی پڑھیں: ’گلوبل صمود فلوٹیلا‘ میں شامل آخری کشتی پر بھی اسرائیل کا قبضہ
چیئرمین پیپلز پارٹی نے اسرائیل سے مطالبہ کیا کہ گلوبل صمود فلوٹیلا سے حراست میں لیے گئے تمام افراد کو فوری طور پر رہا کیا جائے۔
ساتھ ہی انہوں نے غزہ کے لیے انسانی راہداری کھولنے اور فلسطین کے عوام کے لیے انصاف فراہم کرنے پر زور دیا۔
