شہید بینظیر آباد میں پیر 17 نومبر کو سید اصغر علی شاہ المعروف سخی جام داتار کے 754 ویں عرس کے موقعے پر مقامی تعطیل کا اعلان کیا گیا ہے۔
یہ بھی پڑھیں: امن و محبت کی دھرتی سندھ کی ثقافت کے دلکش رنگ
ڈپٹی کمشنر شہید بینظیر آباد عبدالصمد نظامانی کی جانب سے جاری کردہ نوٹیفکیشن کے مطابق 17 نومبر کو ضلع بھر کے تمام سرکاری دفاتر، تعلیمی ادارے اور عوامی محکمے بند رہیں گے۔
سخی جام داتار کے 3 روزہ سالانہ عرس کی تقریبات 17 نومبر سے 19 نومبر تک جام صاحب ٹاؤن میں منعقد ہوں گی جن میں سندھ بھر اور ملک کے دیگر حصوں سے زائرین اور عقیدت مند بڑی تعداد میں شرکت کریں گے۔
یہ سالانہ تقریب علاقائی سطح پر ایک نمایاں روحانی اجتماع سمجھا جاتی ہے جس میں مذہبی رسومات، صوفیانہ موسیقی اور لنگر کا خصوصی اہتمام کیا جاتا ہے۔
مزید پڑھیے: عبداللہ شاہ غازیؒ کے عرس پر کراچی میں تعطیل کا اعلان
ضلعی انتظامیہ نے زائرین کی سہولت اور تقریبات کے پرامن انعقاد کے لیے سیکیورٹی اور انتظامی اقدامات کو حتمی شکل دے دی ہے۔
