پاکستان ٹیلی کمیونیکیشن اتھارٹی (پی ٹی اے) نے عالمی سطح پر انٹرنیٹ کی سروس متاثر ہونے کے بعد وضاحتی بیان جاری کیا ہے۔
پی ٹی اے کے ترجمان نے کہاکہ دنیا بھر میں انٹرنیٹ سروسز میں رکاوٹ دیکھی جا رہی ہے اور اتھارٹی سوشل میڈیا پلیٹ فارم ایکس (سابقہ ٹوئٹر) اور کلاؤڈ فلیئر کی کارکردگی پر نظر رکھے ہوئے ہے۔
PTA is closely monitoring a major global outage impacting X (Twitter) and Cloudflare.
PTA is in contact with global platforms and local operators and will continue to observe the situation until services are fully restored.#PTA #XDown #TwitterDown #Cloudflare #GlobalOutage… pic.twitter.com/CkJPYoVPoj
— PTA (@PTAofficialpk) November 18, 2025
انہوں نے مزید کہاکہ پی ٹی اے اس عالمی سطح کی خرابی کو مسلسل مانیٹر کررہا ہے جو ایکس اور کلاؤڈ فلیئر کی خدمات پر اثر ڈال رہی ہے۔
ترجمان نے بتایا کہ اس معاملے میں عالمی سروس فراہم کنندگان اور ملکی آپریٹرز کے ساتھ باقاعدہ رابطے میں رہتے ہوئے صورتحال کی نگرانی جاری رکھی جائے گی اور سروسز کی مکمل بحالی تک یہ سلسلہ جاری رہے گا۔
واضح رہے کہ کلاؤڈ فلیئر کمپنی میں تکنیکی خرابی کے باعث دنیا بھر میں کئی مشہور ویب سائٹس کی سروس متاثر ہوگئی ہے۔
کلاؤڈ فلیئر کمپنی نے مختصر بیان میں کہاکہ وہ اس مسئلے سے آگاہ ہے اور اسے حل کرنے کی کوشش کررہی ہے۔
کلاؤڈ فلیئر دنیا کی معروف انٹرنیٹ انفراسٹرکچر کمپنیوں میں شمار ہوتی ہے اور اپنے پلیٹ فارم کے ذریعے دنیا بھر کی لاکھوں ویب سائٹس کو سیکیورٹی، رفتار اور استحکام فراہم کرتی ہے۔
