پاکستان نے سری لنکا کو شکست دے کر سہ ملی ٹی20 سیریز میں پہلی پوزیشن حاصل کرلی ہے۔
راولپنڈی میں کھیلے گئے ٹی20 ٹرائی سیریز کے تیسرے میچ میں پاکستان نے سری لنکا کو 7 وکٹوں سے شکست دے کر پوائنٹس ٹیبل پر دوبارہ پہلی پوزیشن حاصل کرلی۔ اس کامیابی کے بعد پاکستان کے 2 میچوں میں 4 پوائنٹس ہوگئے، جبکہ سری لنکا مسلسل دوسری شکست کے بعد آخری نمبر پر چلا گیا۔
🚨 TOSS UPDATE 🚨
Sri Lanka win the toss and elect to bat first 🏏
📺 Watch live in the UK region, sign up now at https://t.co/Z0RXSR7gYM#CricketKiJeet | #PAKvSL | #BackTheBoysInGreen pic.twitter.com/5ilpJWc14b
— Pakistan Cricket (@TheRealPCB) November 22, 2025
سری لنکا کی جانب سے دیا گیا 129 رنز کا ہدف پاکستان نے صرف 3 وکٹوں کے نقصان پر 27 گیندیں قبل حاصل کرلیا۔ صاحبزادہ فرحان نے شاندار بیٹنگ کرتے ہوئے 45 گیندوں پر ناٹ آؤٹ 80 رنز بنائے، جن میں 5 چھکے اور 6 چوکے شامل تھے۔ ان کا ساتھ صائم ایوب نے 20 اور بابراعظم نے 16 رنز بنا کردیا۔
سری لنکا کی جانب سے چمیرا نے 2 اور داشن شناکا نے ایک وکٹ حاصل کی۔
اس سے قبل سری لنکا کے کپتان داشن شناکا کے پہلے بیٹنگ کے فیصلے نے ان کی ٹیم کے لیے مددگار ثابت نہ ہوا اور مہمان ٹیم مقررہ 20 اوورز میں 7 وکٹوں کے نقصان پر صرف 128 رنز بنا سکی۔
یہ بھی پڑھیں:1888 کے بعد سب سے چھوٹا ایشز ٹیسٹ، صرف 2 دن ہی میں فیصلہ ہوگیا
سری لنکا کی اننگز میں جنیتھ لیانگے نے مشکل صورتحال میں ذمہ دارانہ کھیل پیش کرتے ہوئے 40 رنز کی ناقابل شکست اننگز کھیلی۔
کامل مشارا نے 12 گیندوں پر 22 رنز بنا کر جارحانہ آغاز ضرور دیا تاہم فہیم اشرف نے انہیں آؤٹ کرکے سری لنکا کی پیش رفت کو روک دیا۔ کچھ دیر بعد محمد وسیم جونیئر کی تھرو پر کوسل مینڈس صرف تین رنز بنا کر رن آؤٹ ہوگئے۔
نواز نے شاندار باؤلنگ کا مظاہرہ کرتے ہوئے تین وکٹیں حاصل کیں اور سری لنکا کی درمیانی لائن اپ کو بری طرح نقصان پہنچایا۔ ان کے علاوہ ابرار احمد، فہیم اشرف اور سلمان مرزا نے ایک ایک وکٹ حاصل کی۔
