پنجاب اسمبلی میں ڈرائیونگ لائسنس کے اجرا کی عمر 18 سال کے بجائے 16 سال کرنے کی قرارداد جمع کرادی گئی۔
مزید پڑھیں: کم عمر ڈرائیور نے 3 موٹر سائیکلوں کو کچل دیا، ’کیا پیسے والوں کو سب گناہ معاف ہیں؟‘
اپوزیشن رکن شیخ امتیاز محمود نے یہ قرارداد جمع کرائی، جس میں کہا گیا ہے کہ پاکستان اور خاص طور پر پنجاب میں نوجوانوں کی تعداد میں تیزی سے اضافہ ہو رہا ہے، اور انہیں معیشت میں فعال طور پر شامل کرنے کے لیے ڈرائیونگ کی عمر کم کی جانی چاہیے۔
قرارداد میں مزید کہا گیا کہ کینیڈا کے کئی صوبوں میں 16 سال کی عمر میں ڈرائیونگ کی اجازت دی جاتی ہے جبکہ جرمنی میں یہ عمر 17 سال ہے۔
قرار داد میں مطالبہ کیا گیا ہے کہ پاکستان میں بھی نوجوانوں کو ملکی ترقی میں حصہ لینے کے لیے ڈرائیونگ کی کم از کم عمر 18 سال سے کم کر کے 16 سال کی جائے۔
مزید پڑھیں: متحدہ عرب امارات میں ڈرائیونگ کے لیے عمر کی حد میں کتنی کمی گئی؟
واضح رہے پاکستان میں عام طور پرڈرائیونگ لائسنس جاری کرنے کے لیے عمر کی حد 18 سال مقرر ہے۔
