دنیا بھر میں شہرت رکھنے والے پاکستانی کلاسیکی گلوکار راحت فتح علی خان اپنی بے شمار مقبول گائیکی، ڈراموں کے او ایس ٹی اور بالی ووڈ گیتوں کی وجہ سے جانے جاتے ہیں۔ وہ خوشگوار ازدواجی زندگی گزار رہے ہیں اور ان کے دو بچے شاہ زمان اور ماہین ہیں۔
راحت فتح علی خان کی بیٹی ماہین خان ایک معروف میک اپ آرٹسٹ اور سوشل میڈیا انفلوئنسر ہیں، جو اپنے آفیشل انسٹاگرام اکاؤنٹ پر خوبصورت تصاویر شیئر کرتی رہتی ہیں۔
گزشتہ روز ماہین خان نے قریبی خاندانی تقریب میں نکاح کیا۔ اس موقع پر انہوں نے دُل گولڈن رنگ کی بغیر آستین، نفیس کڑھائی سے مزین ساڑھی زیب تن کی، جس کے ساتھ ہم رنگ بغیر آستین بلاؤز اور لمبا نیٹ دوپٹہ اوڑھا ہوا تھا۔
ماہین نے اپنے انداز کو خوبصورت اور نفیس زیورات سے مکمل کیا۔
View this post on Instagram
دولہے نے سادہ سفید شیروانی پہنی، جبکہ جوڑے نے ایک دوسرے کے ساتھ نہایت خوبصورت امتزاج پیش کیا۔
نکاح کی تقریب کے دوران ماہین نے اپنے والدین، بھائیوں اور دیگر اہلِ خانہ کے ساتھ تصاویر بھی بنوائیں، جو سوشل میڈیا پر وائرل ہیں اور خوب توجہ حاصل کررہی ہیں۔
