بنگلہ دیش نے بھارت میں اپنے سفارتی مشنز کی سکیورٹی سے متعلق بڑھتے ہوئے خدشات کے پیشِ نظر منگل کے روز ڈھاکا میں تعینات بھارتی ہائی کمشنر پرنئے ورما کو وزارتِ خارجہ طلب کر لیا۔
سفارتی ذرائع کے مطابق بھارتی ہائی کمشنر کو صبح تقریباً 10 بجے بنگلہ دیش کی وزارتِ خارجہ میں طلب کیا گیا۔
یہ بھی پڑھیے بنگلہ دیش کی بھارت کے ساتھ کشیدگی بڑھ گئی، دہلی میں قونصلر اور ویزا سروس معطل
یہ اقدام بھارت کے مختلف شہروں، جن میں نئی دہلی، کولکتہ اور دیگر مقامات شامل ہیں، میں بنگلہ دیشی سفارتی مشنز کے گرد پیش آنے والے حالیہ سکیورٹی واقعات اور احتجاجی مظاہروں کے بعد سامنے آیا ہے۔
حکام کے مطابق بنگلہ دیش کے خارجہ سیکریٹری اسد عالم سیام نے بھارتی ہائی کمشنر کے سامنے باضابطہ طور پر ڈھاکا کے تحفظات رکھے اور بھارت میں بنگلہ دیشی سفارتی عملے اور املاک کے تحفظ کے حوالے سے واضح یقین دہانی کا مطالبہ کیا۔
مزید پڑھیں: بنگلہ دیش نے نئی دہلی ہائی کمیشن واقعے پر بھارتی دعوے کی تردید کردی
وزارتِ خارجہ کی جانب سے اس معاملے پر مشاورت کا عمل جاری ہے، جبکہ آئندہ چند روز میں مزید تفصیلات سامنے آنے کا امکان ہے۔
