ٹی20 ورلڈ کپ 2026 کے لیے بنگلہ دیش ٹیم کے بھارت نہ جانے کے معاملے پر پاکستان کرکٹ بورڈ (پی سی بی) نے بنگلہ دیش کے میچز کی میزبانی میں دلچسپی ظاہر کی ہے۔
پی سی بی ذرائع کے مطابق اگر سری لنکا کے وینیوز دستیاب نہ ہوئے تو پاکستان اپنے میدان پیش کرنے کے لیے مکمل طور پر تیار ہے۔
مزید پڑھیں: ٹی20 ورلڈ کپ، بھارت میں محفوظ نہیں، بنگلہ دیش کرکٹ بورڈ نے ٹیم بھیجنے سے انکار کردیا
ذرائع کا کہنا ہے کہ پاکستان میں حال ہی میں چیمپیئنز ٹرافی اور آئی سی سی ویمنز کوالیفائر کامیابی سے منعقد ہو چکے ہیں، اس لیے ورلڈ کپ کے میچز کا انعقاد بھی بغیر کسی مشکل کے ممکن ہے۔
پی سی بی ذرائع نے واضح کیا کہ پاکستان کے تمام وینیوز ٹی20 ورلڈ کپ کے میچز کرانے کے لیے تیار ہیں۔
واضح رہے کہ بنگلہ دیش کرکٹ بورڈ نے سیکیورٹی خدشات کے باعث ورلڈ کپ میچز کے لیے بھارت نہ جانے کا فیصلہ کیا ہے اور اس حوالے سے آئی سی سی کے جواب کا منتظر ہے۔
مزید پڑھیں:بنگلہ دیش نے ٹی20 ورلڈ کپ کے لیے اسکواڈ کا اعلان کردیا
تاہم بنگلہ دیش کے میچز کو کسی اور ملک منتقل کرنے یا نہ کرنے کا حتمی فیصلہ انٹرنیشنل کرکٹ کونسل (آئی سی سی) کرے گی۔
