سوشل میڈیا پر ایک نیا وائرل رجحان تیزی سے مقبول ہو رہا ہے جس میں صارفین ایک دہائی پرانی، یعنی 2016 کی، اپنی تصاویر دوبارہ شیئر کر رہے ہیں۔ اس رجحان کو ’2026 نیا 2016 ہے‘ کا نام دیا گیا ہے جس میں ماضی کی یادوں، ثقافت اور طرزِ زندگی کو تازہ کیا جا رہا ہے۔
اس ٹرینڈ کے تحت صارفین اپنے کیمرا رولز سے 2016 کی تصاویر منتخب کر کے انسٹاگرام، ٹک ٹاک اور دیگر پلیٹ فارمز پر پوسٹ کر رہے ہیں جن میں اُس وقت کے فیشن، موسیقی اور مقبول فلٹرز نمایاں نظر آتے ہیں۔ اسنیپ چیٹ کے معروف فلٹرز، جیسے ڈاگ ایئرز اور فلاور کراؤن، بھاری میک اپ، پینسل اسکرٹس اور شوخ رنگوں والی تصاویر اس رجحان کی نمایاں علامات بن چکی ہیں۔
یہ بھی پڑھیں: اویوا بیگ کون ہیں، گوگل پر کیوں ٹرینڈ کر رہی ہیں؟
یہ رجحان ایسے وقت میں سامنے آیا ہے جب حالیہ ہفتوں میں صارفین نے 2016 کو ایک یادگار سال کے طور پر یاد کیا۔ اس سال کو انٹرنیٹ میمز، مقبول موسیقی اور ثقافتی لمحات کی وجہ سے خاص مقام حاصل ہے، جن میں Mannequin Challenge، میوزیکل Hamilton اور پراسرار مسخرے دیکھے جانے کے واقعات شامل ہیں۔
مشہور شخصیات اور فنکار بھی اس ٹرینڈ میں شامل ہو گئے ہیں اور انسٹاگرام پر ایک دہائی پرانی اپنی پسندیدہ تصاویر پوسٹ کر رہے ہیں۔ گلوکار اور نغمہ نگار خالد نے اپنی انسٹاگرام پوسٹ میں لکھا 2016
View this post on Instagram
اس پوسٹ میں اُن کی ہائی اسکول گریجویشن، دوستوں کے ساتھ کھیلوں کے مقابلے دیکھنے اور فوٹو شوٹس کی تصاویر شامل ہیں۔ یہ پوسٹ ان کے مشہور گانے ‘Location’ کے ساتھ شیئر کی گئی جو ان کے البم American Teen کا حصہ ہے جو 2017 کے آغاز میں ریلیز ہوا تھا۔
ماڈل کارلی کلوس نے بھی 2016 کی یادیں تازہ کرتے ہوئے اسنیپ چیٹ کے مشہور ڈاگ فلٹر کے ساتھ تصاویر پوسٹ کیں۔
View this post on Instagram
جبکہ گلوکار چارلی پُتھ نے اپنی 2016 کی ہٹ گیت ‘We Don’t Talk Anymore’ پر مبنی ایک ویڈیو شیئر کر کے اس رجحان میں حصہ لیا۔
View this post on Instagram
کئی صارفین کا کہنا ہے کہ لوگ ایک نسبتاً سادہ اور خوشگوار دور کی طرف لوٹنے کی خواہش کا اظہار کر رہے ہیں۔ 2026 نیا 2016 ہے کا ٹرینڈ اس بات کا ثبوت ہے کہ ڈیجیٹل دنیا میں یادیں اور ثقافت کس طرح نئے انداز میں دوبارہ زندہ کی جا سکتی ہیں۔
