بالی ووڈ کی معروف ہدایتکارہ اور کوریوگرافر فرح خان نے اپنی نئی فلم سے متعلق ایک بڑی اپڈیٹ دے کر مداحوں کو پرجوش کر دیا۔
یہ بھی پڑھیں: ’دل والے دلہنیا لے جائیں گے‘ کے 30 سال، شاہ رخ خان اور کاجول کے کرداروں کا مجسمہ لندن میں نصب
اس میں بالی ووڈ کے کنگ خان، شاہ رخ خان کے ساتھ ممکنہ دوبارہ اشتراک کے اشارے ملتے ہیں۔
فرح خان نے اپنے تازہ یوٹیوب وی لاگ میں انکشاف کیا کہ وہ جلد ایک نئی فلم کی ہدایتکاری کے لیے تیار ہیں۔
اپنے مقبول یوٹیوب شو کی ایک قسط کے دوران انہوں نے غیر متوقع طور پر اپنی آئندہ فلم کے بارے میں بات کرتے ہوئے کہا کہ ان کے بچے اب کالج جا رہے ہیں اس لیے وہ دوبارہ فلم سازی پر توجہ دینا چاہتی ہیں۔
فرح خان کے مطابق مداحوں کی جانب سے ان کی واپسی کے لیے مسلسل مطالبہ کیا جا رہا ہے اور وہ امکان ظاہر کرتی ہیں کہ رواں سال کے اختتام تک فلم پر کام شروع کر دیں گی۔
مزید پڑھیے: ’مجھ پر پابندی لگواؤ گی؟‘ شادی کی تقریب میں دلچسپ مطالبے پر شاہ رخ خان کا ردعمل وائرل
فرح خان نے واضح کیا کہ وہ نئی فلم کی ہدایتکاری صرف اسی صورت میں کریں گی اگر شاہ رخ خان اس فلم کے لیے رضامند ہوئے۔
ان کا کہنا تھا کہ اگر میں فلم بناؤں گی تو وہ شاہ رخ کے ساتھ ہی ہوگی ورنہ میں انتظار کروں گی اور یوٹیوب پر ہی کام جاری رکھوں گی۔
قابلِ ذکر ہے کہ شاہ رخ خان اور فرح خان اس سے قبل کئی کامیاب فلموں میں ایک ساتھ کام کر چکے ہیں جن میں ’میں ہوں نا‘، ’اوم شانتی اوم‘ اور ’تیس مار خان‘ جیسے مشہور نام شامل ہیں۔ یہ امکان بھی ظاہر کیا جا رہا ہے کہ اگر وہ فلم بنتی ہے تو اس کا نام ممکنہ طور پر ’میں ہوں نا‘ ہوگا۔
مزید پڑھیں: سلمان خان اور شاہ رخ خان کا مستقبل کیا؟ ماہر نجوم کی حیران کن پیشگوئی
مداح اب بےچینی سے اس ممکنہ ری یونین کے باضابطہ اعلان کے منتظر ہیں۔
