بی بی سی کے سینیئر اور نامور نامہ نگار مارک ٹلی اتوار کے روز نئی دہلی میں 90 برس کی عمر میں انتقال کر گئے۔
مارک ٹلی برصغیر کے اہم تاریخی لمحات کی کوریج کے باعث لاکھوں ناظرین کے لیے بی بی سی کی ’آوازِ ہند‘ سمجھے جاتے تھے۔
یہ بھی پڑھیں: ٹرمپ کے بارے میں ڈاکومنٹری کی متنازع ایڈیٹنگ، بی بی سی کا ایک اور عہدیدار مستعفی
مارک ٹلی 1935 میں برطانوی دورِ حکومت کے تحت بھارت میں پیدا ہوئے تھے۔
انہوں نے بھارت کو ہی اپنا گھر اور اپنی صحافتی شناخت بنایا اور رفتہ رفتہ ملک کے سب سے معروف غیر ملکی نامہ نگاروں میں شمار ہونے لگے۔
Mark Tully was a giant among journalists and the greatest Indophile of his generation. He was also a uniquely warm, generous, gentle, kind and helpful man, at whose feet I was honoured to sit for many years as he patiently explained the subtleties & nuances of India. As the… pic.twitter.com/t97jWCpJ3f
— William Dalrymple (@DalrympleWill) January 25, 2026
بھارتی وزیر کے مطابق کولکتہ میں پیدا ہونے والے مارک ٹلی نے خطے کی تاریخ کے کئی فیصلہ کن لمحات کی رپورٹنگ کی۔
بی بی سی نیوز کے عبوری سربراہ جوناتھن منرو نے ایک بیان میں کہا ہے کہ سر مارک نے اپنی رپورٹنگ کے ذریعے بھارت کو دنیا کے سامنے پیش کیا۔
’۔۔۔اور ملک کی رنگا رنگی اور تنوع کو برطانیہ سمیت دنیا بھر کے ناظرین تک پہنچایا۔‘
مزید پڑھیں: بی بی سی کے چیئرمین سمیر شاہ کے مبینہ بھارتی روابط پر سوالات، ایڈیٹوریل آزادگی پر خدشات
مارک ٹلی نے کیمبرج یونیورسٹی سے الٰہیات کی تعلیم حاصل کی اور کچھ عرصہ ایک مذہبی مدرسے سے وابستہ رہے۔
تاہم 1965 میں وہ دوبارہ بھارت لوٹ آئے اور نئی دہلی میں بی بی سی کے دفتر میں بطور منتظم شامل ہوئے۔
لندن میں بی بی سی کی ہندی اور ورلڈ سروس میں مختصر عرصہ کام کرنے کے بعد، 1971 میں انہیں نئی دہلی میں بی بی سی کا مستقل نامہ نگار مقرر کیا گیا تھا۔
