وزارت مذہبی امور نے عازمین حج کو سعودی ویزا بائیو ایپ کے ذریعے بائیو میٹرک تصدیق کرنے کی ڈیڈ لائن دے دی ہے۔
ترجمان وزارت مذہبی امور کے مطابق عازمین حج کو سعودی ویزا بائیو ایپ کے ذریعے بائیو میٹرک مکمل کرنے کی آخری تاریخ 8 فروری 2026 ہے۔
یہ بھی پڑھیں: سعودی عرب اور پاکستان کے درمیان حج 2026ء کے انتظامات پر معاہدہ طے پا گیا
ترجمان نے عازمین حج سے درخواست کی کہ وہ موبائل ایپ ’سعودی ویزا بائیو‘ کے ذریعے گھر بیٹھے اپنے فنگر پرنٹس مکمل کریں۔ عازمین کی سہولت کے لیے تاشیر سینٹرز ہفتہ اور اتوار صبح 9 بجے سے شام 5 بجے تک کھلے رہیں گے۔
ترجمان نے مزید کہا کہ رش سے بچنے کے لیے بہتر ہے کہ عازمین بائیو میٹرک مکمل کرنے کے لیے صرف سعودی ویزا بائیو ایپ استعمال کریں۔ بائیو میٹرک کے بغیر حج ویزا نہیں لگایا جائے گا۔
یہ بھی پڑھیں: 2025 کی بچت کی رقم حجاج کو واپس، حج 2026 کے پیکیجز کا اعلان
یاد رہے کہ 80 سال سے زائد عمر کے عازمین حج بائیو میٹرک سے مستثنیٰ ہیں۔
