صحافیوں اور سول سوسائٹی کے نمائندگان نے 9 مئی کے افسوسناک سانحے کی شدید الفاظ میں مذمت کرتے ہوئے کہا ہے کہ 9 مئی پاکستان کی تاریخ کا بہت بڑا المیہ ہے۔ شرپسندوں کے خلاف سخت ایکشن لیا جائے اور ملوث مجرموں کو قرار واقعی سزا دی جائے۔
پاک فوج اور شہدائے پاک سر زمین سے اظہارِ یکجہتی کے لیے صحافیوں اور سول سوسائٹی کے نمائندگان نے جناح ہاؤس لاہور کا دورہ کیا۔ وفد نے تباہ شدہ جناح ہاؤس میں بابائے قوم کے نوادرات کی پائمالی پر گہرے رنج کا اظہار کیا۔ ان کا کہنا تھا کہ یہ کام کوئی بھی محب وطن پاکستانی نہیں کر سکتا۔
وفد میں سینیئر صحافی، دانشور اور دیگر حضرات شامل تھے، ان کا کہنا تھا کہ اس مذموم سازش میں ملوث افراد کسی معافی کے لائق نہیں ہیں۔ وفد کے اعلیٰ عہدیداران نے مہمانوں کی کتاب میں اپنے تاثرات بھی درج کیے اور پاک فوج زندہ باد کے نعرے بھی لگائے۔
