آئی سی سی مینز ٹی20 ورلڈ کپ کے گروپ مرحلے کے 18ویں میچ میں بھارت نے نمیبیا کو 93 رنز سے شکست دے دی ہے۔
یہ بھی پڑھیں: ٹی20 ورلڈ کپ: ویسٹ انڈیز نے انگلینڈ کو 30 رنز سے شکست دے دی
دہلی کرکٹ اسٹیڈیم میں کھیلے گئے میچ میں بھارت نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 209 رنز بنائے۔ ایشان کشن نے جارحانہ بیٹنگ کرتے ہوئے 24 گیندوں پر 61 رنز اسکور کیے جن میں 6 چوکے اور 5 چھکے شامل تھے۔ ہاردک پانڈیا نے 28 گیندوں پر 52 رنز کی دھواں دھار اننگز کھیلی، جبکہ سنجو سیمسن نے 22 اور تلک ورما نے 25 رنز بنائے۔
نمیبیا کی جانب سے گیرہارڈ ایراسمس نے شاندار بولنگ کرتے ہوئے 4 اوورز میں 20 رنز دے کر 4 وکٹیں حاصل کیں۔
یہ بھی پڑھیں: ٹی20 ورلڈ کپ: پاکستان انڈیا میچ کنفرم ہونے پر کولمبو کے لیے پروازوں کے ٹکٹ کئی گنا مہنگے
210 رنز کے ہدف کے تعاقب میں نمیبیا کی پوری ٹیم 18.2 اوورز میں 116 رنز پر ڈھیر ہو گئی۔ لورین اسٹینکیمپ نے 29 اور جان فرائلنک نے 22 رنز بنائے، تاہم کوئی بھی بلے باز بڑی اننگز کھیلنے میں کامیاب نہ ہو سکا۔
بھارت کی جانب سے ورون چکرورتھی نے 3 وکٹیں حاصل کیں، جبکہ اکسر پٹیل اور ہاردک پانڈیا نے 2، 2 کھلاڑیوں کو آؤٹ کیا۔ ہاردک پانڈیا نے آل راؤنڈ کارکردگی کا مظاہرہ کرتے ہوئے 52 رنز بنانے کے ساتھ 21 رنز دے کر 2 وکٹیں حاصل کیں اور پلیئر آف دی میچ قرار پائے۔
