بنگلہ دیش نیشنلسٹ پارٹی (بی این پی) کے چیئرمین اور متوقع وزیرِاعظم کے امیدوار طارق رحمان نے اتوار کی شب نیشنل سٹیزن پارٹی (این سی پی) کے کنوینر ناہید اسلام کی رہائش گاہ پر ملاقات کی، جس میں پارٹی کے سینئر رہنما بھی شریک تھے۔
یہ بھی پڑھیں:طارق رحمان کی امیر جماعت اسلامی سےملاقات، مثبت سیاسی تعلقات کو فروغ دینے پر زور
وی نیوز کے نمائندے کے مطابق بی این پی کے میڈیا سیل نے بتایا کہ طارق رحمان رات تقریباً ساڑھے آٹھ بجے ناہید اسلام کے گھر پہنچے۔ ملاقات کے دوران بی این پی کے سیکرٹری جنرل مرزا فخرالاسلام عالمگیر اور قائمہ کمیٹی کے رکن نذرالاسلام خان بھی موجود تھے۔
این سی پی کی جانب سے ناہید اسلام کے ہمراہ اختر حسین اور سارجس عالم شریک ہوئے۔ ملاقات کے فوری بعد گفتگو کی تفصیلات جاری نہیں کی گئیں۔
اس سے قبل شام تقریباً 7 بج کر 10 منٹ پر طارق رحمان نے ڈھاکا کے بشندھرا رہائشی علاقے میں جماعتِ اسلامی بنگلہ دیش کے امیر شفیق الرحمان کی رہائش گاہ پر بھی ملاقات کی تھی۔
سیاسی مبصرین کے مطابق مختلف جماعتوں کے قائدین سے یہ ملاقاتیں ملکی سیاست میں ممکنہ اتحاد یا آئندہ انتخابی حکمت عملی کے تناظر میں اہم سمجھی جا رہی ہیں، تاہم دونوں نشستوں میں ہونے والی بات چیت کی نوعیت کے بارے میں تاحال کوئی باضابطہ بیان جاری نہیں کیا گیا۔
