کوئٹہ انٹرنیشنل ایئرپورٹ کے مین رن وے کی تعمیر نو کا منصوبہ مکمل ہو گیا، مین رن وے فعال کر دیا گیا ہے۔
تعمیر نو کے بعد کوئٹہ ایئرپورٹ کی مین رن وے پر پہلی پرواز اسلام آباد سے کوئٹہ جانے والی پی کے 325 نے صبح 6 بج کر 20 منٹ پر اتری۔ایئرپورٹ مینیجر اور پراجیکٹ ڈائریکٹر لینڈنگ کے موقع پر موجود تھے۔
رن وے پر اترنے کے بعد جہاز کے پائلٹس نے ائیرپورٹ مینیجر سے ملاقات کی اور انہیں پراجیکٹ مکمل ہونے پر مبارکباد دی۔
پائلٹس نے بتایا کہ ہم نے ایک ہموار اور خوبصورت لینڈنگ کا لطف اٹھایا، رن وے پر نصب لائیٹس شاندار ہیں۔
کوئٹہ ائیرپورٹ پر پانچ ارب روپے کی لاگت سے اپ گریڈ کیے گئے رن وے سے طیارے کی لینڈنگ اور ٹیک آف کے مناظر#Pakistan #quettaairport #WENews pic.twitter.com/gCYLFZKHNX
— WE News (@WENewsPk) May 31, 2023
واضح رہے کہ کوئٹہ ایئر پورٹ کی تعمیر نو کے منصوبے پر 5ارب روپے لاگت آئی ہے، رن وے جدید ترین ائرفیلڈ لائٹنگ سسٹم سے لیس ہے۔
اکیو کوڈ 4 ای طیارے جیسے بوئنگ 777 اور اس کے مساوی جہاز ہر قسم کے موسم ، دن اور رات میں اتر سکیں گے۔
