پاکستان شوبز انڈسٹری کی معروف اداکارہ مومنہ اقبال نے پنجاب میں حالات کی بہتری کی تعریف کرتے ہوئے کہا کہ وہاں حالات بہت اچھے ہوگئے ہیں کاش مریم نواز کراچی آجائیں تو یہاں بھی بہتری ہوسکے۔
مومنہ اقبال نے یہ بات حال ہی میں ایک پروگرام میں شرکت کے دوران کہی جہاں انہوں نے مختلف موضوعات پر بات کی۔ اس موقع پر اداکارہ نے اپنی خواہش کا اظہار کیا کہ مریم نواز کراچی میں بھی آئیں۔
وائرل کلپ میں مومنہ اقبال نے کہا کہ پنجاب میں اس وقت بہت اچھا کام ہورہا ہے۔ پروگرام کے میزبان فیصل قریشی نے کہا کہ کراچی والوں کے لیے بھی کچھ کہہ دیں؟
مریم نوازشریف کام کر رہی ہیں، خدمت کر رہی ہیں اپنی محنت اور خدمت سے کارکردگی سے پنجاب کو سنوار رہی ہیں
میں تو کہتی ہوں ایک مریم نواز کراچی بھی آجائیں تاکہ ہمارے حالات بھی بہتر ہو جائیں
معروف ایکٹریس مومنہ اقبال کی فیصل قریشی کے پروگرام میں خواہش@MaryamNSharif pic.twitter.com/Clwrvlz6Jh— TAHIRMKHAN (@Huseeb59) February 23, 2026
اس پر اداکارہ نے جواب دیا کہ میں نے تو اس حوالے سے لکھا ہے کہ کراچی والوں کا کوئی ہے تو ہمیں بتادیں کیونکہ میں زیادہ تر کراچی میں رہتی ہوں تو کراچی بھی میرا ہی ہوا، مجھے یہاں پر تھوڑے سے مسائل ہوجاتے ہیں۔
فیصل قریشی نے کہا کہ ان کو بھی سمجھائیں ہماری تو کوئی سن نہیں رہا، شاید آپ کی کوئی سن لے۔ اس پر مومنہ اقبال نے کہا بس پھر ایک مریم نواز ادھر بھی آجائے۔
یہ بھی پڑھیں: ’اگر کوئی چھیڑتا تو خود دیکھ لیتی ‘ اداکارہ مومنہ اقبال کی کرکٹرز کے میسجز سے متعلق بیان کی وضاحت
یاد رہے کہ اس سے قبل اداکارہ سونیا حسین نے لاہور میں بسنت کے انتظامات پر کھل کر تعریف کی تھی اور لاہور کی سڑکوں کا موازنہ کراچی کی سڑکوں سے کیا تھا۔ اس کے علاوہ گزشتہ سال کراچی کے تاجروں نے وفاقی وزیر منصوبہ بندی احسن اقبال سے کہا تھا کہ کچھ عرصے کے لیے وزیراعلیٰ پنجاب مریم نواز ہمیں دے دیں اور وزیراعلیٰ سندھ مراد علی شاہ آپ رکھ لیں۔
