تہران میں ماہِ رمضان کے موقع پر منعقدہ سالانہ فنڈ ریزنگ تقریب میں ایرانی صدر ڈاکٹر مسعود پزشکیان نے غیر ارادی جرائم میں قید ضرورت مند قیدیوں کی رہائی کے لیے 50 ارب ریال عطیہ کرنے کا اعلان کیا ہے۔
یہ بھی پڑھیں:امریکا نے ایران پر نئی پابندیاں عائد کردیں
سرکاری خبر رساں ایجنسی کے مطابق یہ تقریب ہر سال رمضان المبارک میں تہران سمیت مختلف شہروں میں منعقد کی جاتی ہے، جس میں حکومتی عہدیداروں اور مخیر حضرات کی بڑی تعداد شریک ہوتی ہے۔ اس سال بھی صدر مسعود پزشکیان نے ذاتی طور پر 50 ارب ریال کی خطیر رقم عطیہ کی، جسے غیر ارادی جرائم میں ملوث مستحق قیدیوں کی رہائی پر خرچ کیا جائے گا۔
رمضان المبارک کے دوران مسلمان سحر سے افطار تک روزہ رکھتے ہیں اور اس مقدس مہینے میں عبادات، خیرات اور اجتماعی افطار کا خصوصی اہتمام کیا جاتا ہے۔ اسی سلسلے میں قیدیوں کی مدد کے لیے عطیات جمع کرنے کی روایت کو بھی خصوصی اہمیت حاصل ہے۔
