جنوبی افریقہ نے زمبابوے کے خلاف سخت مقابلے کے بعد 5 وکٹوں سے کامیابی حاصل کر لی، حالانکہ زمبابوے کے کپتان سکندر رضا نے بیٹنگ اور بولنگ دونوں شعبوں میں نمایاں کارکردگی دکھائی۔
اس فتح کے ساتھ جنوبی افریقہ بدھ کو نیوزی لینڈ کے خلاف ہونے والے سیمی فائنل سے قبل ناقابلِ شکست رہی۔
نئی دہلی میں کھیلے گئے میچ میں زمبابوے نے پہلے بیٹنگ کرتے ہوئے 153 رنز اسکور کیے۔ جواب میں جنوبی افریقا نے 17.5 اوورز میں ہدف حاصل کر لیا۔
2024 ورلڈکپ کی رنرز اپ ٹیم کی جانب سے ڈیوالڈ بریوس نے محض 18 گیندوں پر 42 رنز کی جارحانہ اننگز کھیل کر فتح میں اہم کردار ادا کیا۔
سکندر رضا نے بیٹنگ میں 73 رنز کی شاندار اننگز کھیلی اور بعد ازاں بولنگ کرتے ہوئے 29 رنز دے کر 3 وکٹیں حاصل کیں۔ یاد رہے کہ زمبابوے گروپ مرحلے میں آسٹریلیا اور شریک میزبان سری لنکا کو شکست دے چکی تھی۔
میچ کے آغاز میں سکندر رضا نے تیسری ہی گیند پر کوئنٹن ڈی کاک کو صفر پر کیچ آؤٹ کرایا، جبکہ اگلے اوور میں جنوبی افریقی کپتان ایڈن مارکرم کو چار رنز پر بولڈ کیا۔
تاہم بعد میں ٹرسٹن اسٹبس (21) اور جارج لنڈے (30) نے ناقابلِ شکست 53 رنز کی شراکت قائم کر کے اپنی ٹیم کو ہدف تک پہنچا دیا۔
