قومی ہاکی ٹیم ورلڈ کپ کے لیے کوالیفائی کرنے کے بعد وطن واپس پہنچ گئی، جہاں اسلام آباد ایئرپورٹ پر کھلاڑیوں کا پرتپاک استقبال کیا گیا۔
یہ بھی پڑھیں: وزیراعظم کا قومی ہاکی ٹیم کے ہر کھلاڑی کے لیے 15 لاکھ روپے انعام کا اعلان
پاکستان ہاکی فیڈریشن کے ترجمان کے مطابق ایئرپورٹ پر وفاقی پارلیمانی سیکرٹری کرن ڈار ٹیم کو خوش آمدید کہنے کے لیے موجود تھیں۔ اس موقع پر پاکستان ہاکی فیڈریشن اور وزارتِ بین الصوبائی رابطہ کے حکام نے بھی قومی ٹیم کا استقبال کیا۔
کھلاڑیوں کی آمد پر انہیں پھولوں کے ہار پہنائے گئے اور پھولوں کی پتیاں نچھاور کی گئیں، جبکہ شائقین نے بھی قومی ٹیم کے حق میں نعرے لگا کر خوشی کا اظہار کیا۔
یہ بھی پڑھیں: پاکستان ہاکی ٹیم 8 برس بعد ورلڈ کپ میں پہنچ گئی، محسن نقوی کی کھلاڑیوں کو مبارکباد
واضح رہے کہ قومی ٹیم نے سیمی فائنل میں جاپان کو شکست دے کر ہاکی ورلڈ کپ کے لیے کوالیفائی کیا۔ پاکستان نے آٹھ سال بعد ہاکی ورلڈ کپ میں رسائی حاصل کرنے کا اعزاز حاصل کیا ہے۔
ہاکی ورلڈ کپ رواں سال ہالینڈ اور بیلجیم میں منعقد ہوگا۔
