صدر آصف علی زرداری نے نیپال کی راستریہ سوتنترا پارٹی اور اس کے لیڈر بلندر شاہ کو 2026 کے تاریخی انتخابی نتائج پر مبارکباد دی۔ صدر زرداری نے کہا کہ نوجوانوں کی فعال شمولیت الیکشن میں نہایت حوصلہ افزا ہے اور یہ خطے میں شفاف اور جوابدہ حکومت کے لیے وسیع امنگ کی عکاسی کرتی ہے۔
مزید پڑھیں: نیپال میں ریپر سے سیاستدان بننے والے بالیندر شاہ کی جماعت کو واضح برتری
صدر نے اس موقع پر پاکستان کی سابق وزیر اعظم شہید محترمہ بینظیر بھٹو کی یاد دہانی کراتے ہوئے کہا کہ نوجوان قیادت کا ابھار جنوب ایشیا اور عالمی سطح پر ایک مثبت پیغام دیتا ہے۔
صدر زرداری نے پاکستان اور نیپال کے درمیان 1960 سے قائم گرمجوش اور دیرینہ تعلقات کا ذکر کرتے ہوئے کہا کہ دونوں ممالک باہمی احترام، نیک نیتی اور مشترکہ مفادات کی بنیاد پر تعلقات کو مزید مضبوط کرنے کے خواہاں ہیں۔ انہوں نے نئی قیادت کی اصلاحاتی ایجنڈے کی کامیابی کے لیے نیک تمنائیں بھی دیں۔
My heartiest congratulations to Rabi Lamichhane and Balendra Shah of the Rastriya Swatantra Party on their remarkable victory in the 2026 elections in Nepal.
This strong mandate reflects the trust of the Nepali people in the new and dynamic leadership. Pakistan looks forward to…
— Shehbaz Sharif (@CMShehbaz) March 11, 2026
مزید پڑھیں: ٹی20 ورلڈ کپ: انگلینڈ نے سنسنی خیز مقابلے کے بعد نیپال کو شکست دے دی
اسی حوالے سے وزیراعظم شہباز شریف نے بھی ربی لامچھانے اور بلندر شاہ کو انتخابی فتح پر دل کی گہرائیوں سے مبارکباد دی اور کہا کہ پاکستان نئی منتخب حکومت کے ساتھ مل کر اپنی تاریخی دوستی اور تعاون کو مزید فروغ دینے کے لیے پرعزم ہے۔
