وزارت اطلاعات و نشریات نے تصدیق کی ہے کہ افغان طالبان کے زیر سرپرستی سرگرم دہشتگرد تنظیم FAK کے 2 ابتدائی نوعیت کے ڈرونز کو پاکستان کی سیکیورٹی فورسز نے جدید الیکٹرانک اقدامات کے ذریعے ناکام بنایا۔ اس کارروائی میں کوئی فوجی یا شہری تنصیبات متاثر نہیں ہوئیں، صرف ڈرونز کے گرنے کے نتیجے میں معمولی نقصان ہوا۔
🔎 Fact Check | Ministry of Information & Broadcasting
✅ Reality
◼️Two rudimentary drones of terrorist FAK,nurtured by Afghan Taliban regime, were successfully intercepted by the Pakistan security forces using electronic counter measures. No military or other infrastructure was… pic.twitter.com/aGfJEAq0XL— Fact Checker MoIB (@FactCheckerMoIB) March 13, 2026
میڈیا رپورٹس اور طالبان کے دعوے بغیر کسی قابل تصدیق ثبوت کے ہیں، جن میں پاکستان کی فضائیہ کے طیارے گرانے یا پائلٹس کو گرفتار کرنے کے الزامات شامل ہیں۔ طالبان کے سرکاری ذرائع اکثر جھوٹی خبریں اور پروپیگنڈا پھیلاتے ہیں جو بعد میں خود ہی ڈیلیٹ کر دیتے ہیں۔
یہ واقعہ افغان طالبان کے دہشت گردانہ کردار اور ان کے متعدد دہشتگرد گروہوں، بشمول بھارتی پروکسیز FAK اور FAH کی مدد و حمایت کو بھی ظاہر کرتا ہے۔
یہ بھی پڑھیں:راولپنڈی میں نامعلوم ڈرونز کیخلاف کامیاب آپریشن کے بعد عارضی طور پر بند فلائٹس آپریشنز دوبارہ بحال
وزارت نے زور دیا کہ جھوٹے دعوے اور پروپیگنڈا کبھی حقیقت پر قابو نہیں پا سکتے۔ پاکستان کی سکیورٹی فورسز کی بروقت اور مؤثر کارروائی نے ملک میں امن و سلامتی کو برقرار رکھنے میں اہم کردار ادا کیا ہے۔
