میڈیا رپورٹس کے مطابق، لاہور کے علاقے ڈیفنس اے میں ایک گھر پر ڈاکوؤں نے دھاوا بول کر 19 کروڑ روپے مالیت کا قیمتی سامان لوٹ لیا اور فرار ہو گئے۔
لاہور کے ڈیفنس اے میں واقع یہ واردات اس وقت ہوئی جب گھر کا مالک اہل خانہ کے ہمراہ سحری کے لیے باہر گیا تھا۔ پولیس کے مطابق اس دوران ڈاکو گھر میں داخل ہوئے اور اہل خانہ کے واپس آنے پر انہیں اسلحے کے زور پر یرغمال بنا لیا۔
یہ بھی پڑھیں:لاہورمیں گن پوائنٹ پر ڈکیتیوں میں ملوث میاں بیوی گرفتار
میڈیا رپورٹس کے مطابق، ڈاکوؤں نے زیورات، گھڑیاں، قیمتی فونز اور دیگر سامان اٹھا کر فرار ہو گئے، جس کی مالیت تقریباً 19 کروڑ روپے بتائی گئی ہے۔
پولیس نے فوری طور پر ڈکیتی کا مقدمہ درج کر لیا اور تحقیقات شروع کر دی ہیں۔ حکام کا کہنا ہے کہ واقعے کے مختلف پہلوؤں پر کام کیا جا رہا ہے اور مجرموں کو جلد گرفتار کرنے کے لیے تمام ممکنہ ذرائع استعمال کیے جا رہے ہیں۔
