وزیر بحری امور جنید انوار چودھری کی زیرصدارت اجلاس میں غیرملکی شپمنٹ جہازوں کے لیے کراچی پورٹ ٹرسٹ پر مالیاتی مراعاتی پیکج کا اعلان کیا گیا۔ نئی اسکیم 18 مارچ 2026 سے نافذ العمل ہے۔
اجلاس میں فیصلہ کیا گیا کہ ڈرائی بلک ایکسپورٹ کارگو پر 60 فیصد تک ڈیوٹی اور چارجز میں کمی کی جائے گی۔ ٹرانس شپمنٹ کارگو کی کم از کم شرط 10 فیصد سے کم کرکے 7.5 فیصد کی جائے گی۔
مزید پڑھیں:شمالی کوریا نے 10 سے زیادہ بیلسٹک میزائل سمندر میں داغ دیے
بیس ڈسکاؤنٹ کو 5 فیصد سے بڑھا کر 20 فیصد کر دیا گیا ہے۔ اضافی کارگو پر مزید 5 فیصد رعایت دی جائے گی۔ زیادہ جہاز لانے والی شپنگ لائنز کے لیے خصوصی مراعات میں اضافہ کیا گیا ہے۔
50 فیصد جی آر ٹی والے ٹرانس شپمنٹ کارگو پر 60 فیصد فلیٹ رعایت مقرر کی گئی ہے۔ بڑے کنٹینر جہازوں کو ویٹ چارجز میں 50 فیصد تک چھوٹ دی گئی ہے۔ ماحول دوست فیول استعمال کرنے والے جہازوں کے لیے اضافی 5 فیصد رعایت فراہم کی جائے گی۔
مزید پڑھیں:آبنائے ہرمز میں کشیدگی سے سمندری انشورنس پریمیم میں ہزار فیصد تک اضافہ
وزیر بحری امور جنید انوار چودھری نے کہا کہ کراچی پورٹس کو عالمی شپنگ کے لیے کم لاگت اور مؤثر گیٹ وے بنانے کا ہدف حاصل کرنا ترجیح ہے، تاکہ پاکستان کی شپنگ انڈسٹری کو عالمی معیار کے مطابق مزید ترقی دی جا سکے۔
