ہالی ووڈ کے معروف ایکشن اسٹار چک نورس ( Chuck Norris) 86 برس کی عمر میں انتقال کر گئے۔ ان کے اہلِ خانہ نے سوشل میڈیا پر جاری بیان میں ان کے انتقال کی تصدیق کی۔
🔥🚨BREAKING NEWS: Hollywood legend Chuck Norris just passed away at the age of 86. pic.twitter.com/5g4OyF665G
— Dom Lucre | Breaker of Narratives (@dom_lucre) March 20, 2026
اہلِ خانہ کے مطابق چک نورس کا انتقال اچانک ہوا، تاہم وہ اپنے آخری لمحات میں گھر والوں کے درمیان اور پُرسکون حالت میں تھے۔ انہوں نے مزید تفصیلات کو نجی رکھنے کی درخواست بھی کی۔
یہ بھی پڑھیں:بروس لی کی موت کیسے ہوئی؟
چک نورس نہ صرف فلموں اور ٹی وی میں اپنے ایکشن کرداروں کے باعث مشہور تھے بلکہ مارشل آرٹس کے ماہر بھی تھے۔ انہوں نے اپنے کیریئر میں کئی عالمی مقابلے جیتے اور بعد ازاں فلموں اور ڈراموں میں کام کر کے عالمی شہرت حاصل کی۔ ان کا مشہور ٹی وی شو ’واکر، ٹیکساس رینجر‘ انہیں ایک منفرد پہچان دیتا ہے۔
انہوں نے متعدد فلموں میں اداکاری کی اور ایک سخت گیر ہیرو کے طور پر جانے گئے۔ وقت کے ساتھ ساتھ ان کا نام انٹرنیٹ پر مزاحیہ انداز میں بھی مقبول ہوا، جہاں ان سے متعلق دلچسپ جملے اور کہانیاں وائرل رہیں۔
چک نورس کو نہ صرف ایک اداکار بلکہ ایک مضبوط شخصیت اور متاثر کن زندگی گزارنے والے انسان کے طور پر بھی یاد رکھا جائے گا۔
