برطانیہ کے علاقے کورن وال میں ساحل کی صفائی کے دوران تقریباً 80 سال پرانا ایک پلاسٹک کا کھلونا دریافت ہوا ہے۔
یہ بھی پڑھیں: 100 برس پرانا کراچی کا قدیم اور منفرد پولیس اسٹیشن
یہ سبز رنگ کا شیر کا مجسمہ 14 سالہ لڑکی لیلیٰ کو اس وقت ملا جب وہ شمالی کورن وال کے ساحل سے جمع کیے گئے کچرے کو الگ کر رہی تھی۔ لیلیٰ بیچ گارجین نامی ادارے کے ساتھ رضاکارانہ خدمات انجام دے رہی تھی جو اس کے ڈیوک آف ایڈنبرا ایوارڈ کا حصہ تھا۔
لیلیٰ کے مطابق ابتدا میں انہیں معلوم نہیں تھا کہ یہ کیا چیز ہے لیکن تحقیق کے بعد پتا چلا کہ یہ ایک بورڈ گیم کا حصہ ہے جس کا نام ’لائن اینڈ دی ماؤس‘ ہے جو آخری بار سنہ 1946 میں تیار کیا گیا تھا۔
مزید پڑھیے: مصر میں ڈوبا ہوا قدیم شہر دریافت، غوطہ خوروں کو سمندر کی تہہ سے کیا چیزیں ملیں؟
بیچ گارجین سے تعلق رکھنے والے اینڈریو وِٹل نے بتایا کہ یہ ان کے گروپ کی جانب سے ملنے والی اب تک کی سب سے پرانی چیز ہے۔ ان کے مطابق ایسی پرانی اشیا کی دریافت سے یہ سمجھنے میں مدد ملتی ہے کہ پلاسٹک کتنے طویل عرصے تک ماحول میں موجود رہ سکتا ہے۔
انہوں نے مزید بتایا کہ اس شیر کے مجسمے کو ان کے بیچ کلیننگ میوزیم میں رکھا جائے گا جہاں صفائی کے دوران ملنے والی دلچسپ اشیا کا بڑا ذخیرہ جمع کیا جا رہا ہے۔
مزید پڑھیں: جرمنی کا صدیوں پرانا شاہ بلوط کا درخت پریمیوں کا پیغام رساں کیسے بنا؟
یہ کھلونا شمالی کورن وال کے مختلف ساحلوں سے جمع کیے گئے کچرے کو چھانٹتے وقت دریافت ہوا۔
