اداکارہ بشریٰ انصاری نے حال ہی میں اپنی پہلی شادی اور سسرال میں پہلی عید کے تلخ تجربے کا ذکر کیا۔ انہوں نے کہا کہ وہاں کسی نے بھی انہیں ویلکم نہیں کیا۔
بشریٰ انصاری حال ہی میں ایک مارننگ شو میں شریک ہوئیں جہاں انہوں نے مختلف موضوعات پر بات کی، میزبان کے سوال پر کہ شادی کے بعد سسرال میں پہلی عید کیسی گزری؟ بشریٰ انصاری نے کہا کہ انہیں کسی نے منہ نہیں لگایا، کوئی ایسا مذاق نہیں تھا ان لوگوں کے گھروں میں۔
اداکارہ کے مطابق سسرال والے نہ تو ہنستے تھے اور نہ ہی بات کرتے تھے، بس کھانا تیار کر کے آگے رکھ دیتے تھے۔ وہ خاندان خاموش طبیعت کے تھے اور اکثر بات چیت یا قریبی تعلقات میں دلچسپی نہیں لیتے تھے۔ بشریٰ انصاری نے کہا کہ اگرچہ وہ لوگ برے نہیں تھے لیکن بہت خشک اور بور ماحول رکھتے تھے۔
انہوں نے مزید بتایا کہ مذاق کرنا یا خوش مزاج رویہ اختیار کرنا وہاں کی ثقافت کے خلاف تھا اور اکثر ایسے رویے پر سخت ردعمل ملتا تھا۔ میں جرات نہیں کر سکتی تھی کہ ان کے ساتھ مذاق کروں کیونکہ وہ اپنے آپ کو خوش کرنے کی اجازت نہیں دیتے تھے۔
