معروف پاکستانی ٹک ٹاکرسحر حیات نے شوہر سمیع رشید سے علیحدگی کی وجہ بتاتے ہوئے کہا کہ سابق شوہر انہیں گالیاں دیتے تھے اور ان پر ہاتھ بھی اٹھایا تھا۔
سحر حیات نے کہا کہ میں نے اپنے شوہر سے خلع لی ہے کیونکہ مجھے روزانہ طلاق کی دھمکیاں سننے کو ملتی تھیں، میرے شوہر مجھے اپنے والدین اور گھر والوں کے سامنے گالیاں دیتے تھے۔ ان کا کہنا ہے کہ وہ اس صورتحال کو برداشت کر رہی تھیں لیکن سمیع نے ان پر دو بار ہاتھ اٹھایا ایک جب وہ 8 ماہ کی حاملہ تھیں اور دوسرا جس دن وہ گھر چھوڑ کر آ رہی تھیں۔
View this post on Instagram
سحر حیات نے یہ بھی انکشاف کیا کہ سمیع شادی کے دن سے ہی ان کے ساتھ دھوکہ کر رہے تھے۔ انہوں نے حق مہر 2 کروڑ روپے رکھنے کا وعدہ کیا لیکن نکاح کے وقت مولانا سے صرف 5 لاکھ لکھوایا اور مائک پر اعلان کروایا کہ یہ 50 لاکھ ہے۔ سحر نے اس پر سمجھوتہ کیا کیونکہ وہ چاہتی تھیں کہ یہ شادی ہو اور ایک مستحکم رشتہ بنے۔
ان کا مزید کہنا تھا کہ انہوں نے میری بیٹی کے اخراجات کے لیے ایک پیسہ بھی نہیں دیا اور اپنی انسٹا اسٹوریز میں میرے ماضی کا ذکر کیا، اگر وہ سوشل میڈیا پر سرِ عام میرے ماضی کے بارے میں بات کر سکتے ہیں تو ظاہر ہے کہ وہ آف کیمرہ بھی ایسا ہی کر رہے ہوں گے۔
View this post on Instagram
سحر حیات نے یہ بھی کہا کہ مجھے میری گاڑی بھی ابھی تک واپس نہیں ملی، اگر انہیں واقعی اپنی بیٹی اتنی یاد آتی ہے تو آ کر کار کی چابیاں میرے منہ پر مار سکتے تھے لیکن نہیں ان کے لیے کار زیادہ اہم ہے۔
دوسری جانب سمیع رشید نے ان الزامات پر ردعمل دیتے ہوئے کہا ہے کہ دونوں کے درمیان علیحدگی کی اصل وجہ ایک معمولی جھگڑا تھا جو ان کی بیٹی کی سالگرہ کے موقع پر پیش آیا۔
سمیع کا کہنا ہے کہ ان کے والدین بیٹی کے ساتھ تصویر بنوانا چاہتے تھے تاہم سحر کو یہ بات ناگوار گزری اور انہوں نے سمیع سے کہا کہ وہ اپنے والدین کو اسٹیج سے ہٹا دیں۔
View this post on Instagram
سمیع کے مطابق اسی بات پر دونوں کے درمیان تلخ کلامی ہوئی جو بڑھتے بڑھتے علیحدگی اور بالآخر طلاق تک جا پہنچی۔ انہوں نے دعویٰ کیا کہ یہی وہ وجہ تھی جس کی بنیاد پر سحر حیات نے خلع کے لیے درخواست دی۔
واضح رہے کہ سحر حیات 2023 میں ٹک ٹاکر سمیع رشید سے رشتۂ ازدواج میں منسلک ہونے کے بعد میڈیا کی توجہ کا مرکز بنیں اس جوڑے کی شادی کی تقریب میں سوشل میڈیا کی متعدد مشہور شخصیات نے شرکت کی۔ 2024 میں بیٹی کی پیدائش کے فوراً بعد ہی ان کے درمیان اختلافات پیدا ہو گئے اور پھر طلاق ہو گئی۔
