دفتر خارجہ پاکستان نے تصدیق کی ہے کہ ارومچی میں پاکستان اور افغانستان کے درمیان ورکنگ لیول مذاکرات ہوئے، جن میں دونوں جانب سے سینئر حکام نے شرکت کی۔
مزید پڑھیں: خطے میں جنگ کے خاتمے کے لیے سفارتکاری ناگزیر، ترجمان دفتر خارجہ کی بریفنگ
ترجمان دفتر خارجہ طاہر حسین اندرابی نے ہفتہ وار پریس بریفنگ کے دوران بتایا کہ پاکستان نے افغانستان کے ساتھ بات چیت کے لیے اپنا وفد ارومچی بھیجا تھا۔
انہوں نے کہا کہ پاکستان کا مؤقف واضح ہے کہ افغانستان اپنی سرزمین کو پاکستان کے خلاف استعمال ہونے سے روکنے کے لیے قابلِ تصدیق اقدامات کرے۔
ترجمان کے مطابق پاکستان خطے میں امن و استحکام کے لیے سفارتی کوششیں جاری رکھے ہوئے ہے اور مختلف ممالک کے ساتھ رابطوں کا سلسلہ بھی جاری ہے۔
مزید پڑھیں: افغان سرزمین سے دراندازی بند کی جائے، کشیدگی نہیں چاہتے، ترجمان دفترِ خارجہ
انہوں نے مزید کہا کہ ارومچی مذاکرات کی تفصیلات پاکستان کے وفد کی واپسی کے بعد سامنے آئیں گی۔
