وفاقی وزیر توانائی اویس لغاری نے کہا ہے کہ توانائی کا بحران صرف تیل تک محدود نہیں بلکہ گیس اور فرنس آئل پر بھی اثر انداز ہوتا ہے جس کے نتیجے میں بجلی کی قیمتوں پر بھی اثر پڑ سکتا ہے۔
یہ بھی پڑھیں: ڈیزل و پیٹرول کی فی لیٹر قیمتوں میں بالترتیب 184 روپے 49 پیسے اور 137 روپے 23 پیسے اضافہ
انہوں نے مزید کہا کہ اسی لیے حکومت مارکیٹوں کے اوقات کار میں تبدیلی اور توانائی کی بچت کے دیگر اقدامات پر صوبوں سے مشاورت کر رہی ہے۔
توانائی کا بحران نہ صرف تیل بلکہ گیس اور فرنس ائل پر بھی اثر انداز ہوتا ہے جس کی وجہ سے بجلی کی قیمتوں کے اوپر بھی اثر پڑ سکتا ہے۔ اسی لیے حکومت مارکیٹوں کے اوقات میں تبدیلی اور بچت کے دیگر اقدامات پر صوبوں سے مشاورت کر رہی ہے۔
وزیراعظم شہباز شریف کی قیادت میں ہم نے عوام کو اس…— Awais Leghari (@akleghari) April 3, 2026
وزیر توانائی نے کہا کہ وزیراعظم شہباز شریف کی قیادت میں ہم نے عوام کو اس بوجھ سے بچانے کی ہر ممکن کوشش کی ہے اور کرتے رہیں گے۔
انہوں نے کہا کہ اگر ہم سب توانائی بچائیں گے تو ملک پر دباؤ کم ہوگا اور جلد بہتری آئے گی۔
یہ بیان اس وقت سامنے آیا ہے جب ملک میں توانائی کی قلت اور بجلی کے بوجھ پر عوامی اور حکومتی توجہ مرکوز ہے۔
