لاہور میں جمعہ کے روز سوگیٹسُو ایکیبانہ کی سالانہ بہار کی نمائش، ’اسپرنگ ریوری: کرافٹس آف پاکستان’ کا افتتاح ہوا جو سوگیٹسُو ایکیبانہ کی 100 سالہ تقریبات کے موقع پر منعقد کی گئی۔
یہ بھی پڑھیں: ’جاپان ان آرٹ‘ نمائش: پاک جاپان ثقافتی تعلقات کا فن کے ذریعے جشن
یہ نمائش لاہور فلوریٹیج سوگیٹسُو اسٹڈی گروپ کی سربراہی میں نوین سید کے زیرِ انتظام اور بلیو پائن ریزیڈنسز کے تعاون سے منعقد کی گئی جس میں پاکستان کے متنوع اور روایتی ہنر و فن سے متاثر ایکیبانہ آرٹسٹس کے کاموں کو پیش کیا گیا۔
نمائش عوام کے لیے آج شام 6 بجے سے 10 بجے تک اور کل ہفتہ، 4 اپریل کو صبح 10 بجے سے شام 5 بجے تک کھلی رہے گی۔
افتتاحی تقریب کے مہمان خصوصی جاپان کے سفیر اکاماتسو شوئیچی تھے جنہوں نے لاہور میں جاپان کے اعزازی قونصل جنرل عامر شیرازی، پاکستان جاپان کلچرل ایسوسی ایشن کی صدر غزالہ عرفان، اور ہارٹیکلچرل سوسائٹی آف پاکستان کے صدر ابرار ممتاز کے ساتھ نمائش کا افتتاح کیا۔
مزید پڑھیے: یومِ پاکستان پر جاپانی سفیر کی مبارکباد، پاک جاپان دوستی مزید مضبوط بنانے کے عزم کا اظہار
اس سال کی نمائش پاکستان کے متنوع اور روایتی فنون سے متاثر ہو کر ترتیب دی گئی جس میں مقامی ثقافتی ورثے کو سوگیٹسُو ایکیبانہ کے تخلیقی اور جدید انداز میں پیش کیا گیا۔
شریک فنکاروں نے مختلف روایتی ہنر جیسے ملتانی مٹی کے برتن، ہالا کی سرامکس اور اجرک کے کپڑوں کو تحقیق کر کے ایکیبانہ میں نئے انداز میں پیش کیا۔
افتتاحی تقریب میں خطاب کرتے ہوئے سفیر اکاماتسو نے لاہور فلوریٹیج سوگیٹسُو اسٹڈی گروپ کی تعریف کی اور کہا کہ یہ نمائش نہ صرف ثقافتی تبادلے کی روح کو ظاہر کرتی ہے بلکہ سوگیٹسُو ایکیبانہ کی تخلیقی اظہار کے ذریعے بہار کی تازگی کو پاکستانی فنون کے ساتھ جوڑ کر ایک نئی زندگی دیتی ہے۔
مزید پڑھیں: جاپانی کمپنیوں کی اکثریت بنگلہ دیش میں کاروبار بڑھانے کا ارادہ رکھتی ہے
انہوں نے مزید کہا کہ جاپان میں پیدا ہونے والا سوگیٹسُو ایکیبانہ پاکستان میں تازہ اظہار پاتا ہے اور مقامی ہنر کے ساتھ ہم آہنگ ہوتا ہے۔
