وائٹ ہاؤس کی ترجمان نے کہا ہے کہ امریکی صدر ڈونلڈ ٹرمپ پاکستان کے وزیراعظم شہباز شریف کی ڈیڈ لائن میں توسیع کی اپیل سے آگاہ ہیں اور اس پر جلد ردعمل دیا جائے گا۔
دوسری جانب ایرانی حکام نے بھی عندیہ دیا ہے کہ وزیراعظم شہباز شریف کی جانب سے کی گئی درخواست کا جائزہ لیا جا رہا ہے۔
یاد رہے کہ وزیراعظم شہباز شریف نے امریکی صدر سے ڈیڈ لائن میں دو ہفتوں کی توسیع کی اپیل کی ہے۔
سوشل میڈیا پر جاری بیان میں انہوں نے کہاکہ مشرقِ وسطیٰ میں جاری تنازع کے پرامن حل کے لیے سفارتی کوششیں تیزی سے آگے بڑھ رہی ہیں اور جلد اہم پیش رفت کا امکان ہے۔
Diplomatic efforts for peaceful settlement of the ongoing war in the Middle East are progressing steadily, strongly and powerfully with the potential to lead to substantive results in near future. To allow diplomacy to run its course, I earnestly request President Trump to extend…
— Shehbaz Sharif (@CMShehbaz) April 7, 2026
وزیراعظم نے اپنے پیغام میں زور دیا کہ مذاکرات کو نتیجہ خیز بنانے کے لیے ڈیڈ لائن میں دو ہفتوں کی مہلت دی جائے۔
ساتھ ہی انہوں نے ایران سے بھی خیر سگالی کے طور پر آبنائے ہرمز کو دو ہفتوں کے لیے کھولنے کی درخواست کی۔
