آسٹریلیا نے امریکا اور ایران پر زور دیا ہے کہ وہ جنگ بندی کو برقرار رکھیں اور مذاکرات کے عمل کو دوبارہ شروع کریں۔
یہ بھی پڑھیں: اسلام آباد مذاکرات: بات چیت کے دروازے بند نہیں کیے، امریکی نائب صدر،ایک نشست میں معاہدہ ممکن نہیں، رابطے جاری رہیں گے، تہران
آسٹریلوی وزیر خارجہ پینی وونگ نے کہا کہ اس مرحلے پر سب سے اہم بات جنگ بندی کو قائم رکھنا اور فوری طور پر سفارتی بات چیت کو دوبارہ شروع کرنا ہے۔
پینی وونگ نے اپنے بیان میں کہا کہ اسلام آباد میں مذاکرات کا بغیر کسی نتیجے کے ختم ہونا افسوسناک ہے تاہم خطے میں استحکام کے لیے ضروری ہے کہ تمام فریقین تحمل کا مظاہرہ کریں اور بات چیت کا سلسلہ جاری رکھیں۔ انہوں نے زور دیا کہ مسلسل سفارت کاری ہی تنازع کے پُرامن حل کا واحد راستہ ہے۔
انہوں نے خبردار کیا کہ اگر کشیدگی میں اضافہ ہوا تو اس کے انسانی اور معاشی دونوں سطحوں پر سنگین اثرات مرتب ہو سکتے ہیں جبکہ اس کا اثر عالمی معیشت اور توانائی کی منڈیوں پر بھی پڑ سکتا ہے۔
مزید پڑھیے: غیر ملکی وفود کی آمد، اسلام آباد پولیس کی جانب سے شہریوں کے لیے ٹریفک ایڈوائزری جاری
تجزیہ کاروں کے مطابق عالمی برادری کی جانب سے تحمل اور مذاکرات جاری رکھنے کے مطالبات خطے کی صورتحال پر بڑھتی ہوئی تشویش کی عکاسی کرتے ہیں۔
