نائب وزیراعظم و وزیر خارجہ سینیٹر محمد اسحاق ڈار نے مصر کے وزیر خارجہ بدر عبدالعطی سے ٹیلیفونک رابطہ کیا اور انہیں ‘اسلام آباد مذاکرات’ کے حوالے سے ہونے والی حالیہ پیش رفت پر اعتماد میں لیا۔
یہ بھی پڑھیں: نائب وزیراعظم اسحاق ڈار کا مصر کے وزیر خارجہ سے ٹیلیفونک رابطہ، علاقائی امور پر گفتگو
گفتگو کے دوران دونوں رہنماؤں نے خطے میں پائیدار امن کی کوششوں اور سفارتی رابطوں پر تبادلہ خیال کیا۔
ترجمان دفترِ خارجہ کے مطابق اسحاق ڈار نے اپنے مصری ہم منصب کو فریقین کے درمیان روابط کو آسان بنانے کے لیے پاکستان کی مسلسل کوششوں سے آگاہ کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke with Egypt’s Foreign Minister, H.E. Badr Abdelatty today.
DPM/FM briefed his Egyptian counterpart on the ‘Islamabad Talks’ and Pakistan’s continued efforts in facilitating engagement between… pic.twitter.com/htjncZLlxu
— Ministry of Foreign Affairs – Pakistan (@ForeignOfficePk) April 12, 2026
انہوں نے اس بات پر زور دیا کہ یہ تمام فریقین کے لیے ناگزیر ہے کہ وہ جنگ بندی کے حوالے سے اپنے وعدوں کی پاسداری کریں۔
نائب وزیراعظم نے مزید کہا کہ خطے اور اس سے باہر امن و استحکام کے حصول کے لیے مسلسل مذاکرات اور سفارت کاری ہی واحد راستہ ہے اور پاکستان اس عمل میں اپنا تعمیری کردار ادا کرتا رہے گا۔
یہ بھی پڑھیں: نائب وزیراعظم اسحاق ڈار سے چینی سفیر جیانگ زائی ڈونگ کی ملاقات، خطے کی صورتحال پر تبادلہ خیال
مصر کے وزیر خارجہ نے علاقائی کشیدگی کم کرنے کے لیے پاکستان کی سفارتی کوششوں کو سراہا۔
واضح رہے کہ سعودی عرب کے بعد مصر کے ساتھ یہ رابطہ پاکستان کی اس وسیع تر سفارتی مہم کا حصہ ہے جس کا مقصد عالمی برادری اور اہم اسلامی ممالک کو اسلام آباد میں ہونے والے امن مذاکرات کے ثمرات اور اہمیت سے آگاہ کرنا ہے۔
