وزیراعظم محمد شہباز شریف سے ان کے مشیر برائے سیاسی امور رانا ثنا اللہ اور وفاقی وزیر برائے امورِ کشمیر و گلگت بلتستان انجینئر امیر مقام نے آج وزیراعظم آفس میں اہم ملاقات کی۔ ملاقات کے دوران ملک کی مجموعی سیاسی صورتحال، حکومتی امور اور مستقبل کی سیاسی حکمت عملی پر تفصیلی مشاورت کی گئی۔
اس موقع پر وزیراعظم نے گفتگو کرتے ہوئے کہا کہ حکومت عوام کی فلاح و بہبود اور ملک کی معاشی ترقی کے لیے تمام دستیاب وسائل بروئے کار لا رہی ہے۔ انہوں نے اس عزم کا اعادہ کیا کہ عوامی خدمت کے ایجنڈے کو مزید تیزی سے آگے بڑھایا جائے گا اور عوام کو درپیش مسائل کا حل حکومت کی اولین ترجیح ہے۔
اسلام آباد: 14 اپریل 2026
وزیراعظم محمد شہباز شریف سے رانا ثناء اللہ، وزیراعظم کے مشیر برائے سیاسی امور، اور انجینئیر امیر مقام، وفاقی وزیر برائے امورِ کشمیر و گلگت بلتستان و صدر پاکستان مسلم لیگ (ن) خیبر پختونخوا نے آج وزیراعظم آفس میں ملاقات کی. ملاقات میں ملک کی مجموعی سیاسی… pic.twitter.com/mGOmKUWasL
— Prime Minister's Office (@PakPMO) April 14, 2026
ملاقات کے دوران رانا ثنااللہ اور انجینئر امیر مقام نے خلیجی ممالک کے درمیان پیدا ہونے والے حالیہ بحران کے حل اور کشیدگی کم کرانے کے لیے وزیراعظم شہباز شریف کی سفارتی کاوشوں کو زبردست الفاظ میں خراج تحسین پیش کیا۔
اجلاس میں مسلم لیگ (ن) خیبر پختونخوا کے تنظیمی معاملات اور صوبے کی سیاسی صورتحال پر بھی غور کیا گیا، جہاں صدر مسلم لیگ (ن) خیبر پختونخوا امیر مقام نے وزیراعظم کو پارٹی کی کارکردگی سے آگاہ کیا۔
