قطر میں وزیراعظم کا شاندار استقبال، جنگی طیاروں کی فضائی سلامی

وزیراعظم محمد شہباز شریف کے دورۂ قطر کے دوران ان کا شاندار اور منفرد انداز میں استقبال کیا گیا، جہاں قطری فضائیہ کے جنگی طیاروں نے ان کے طیارے کو فضائی حدود میں داخل ہوتے ہی حفاظتی حصار میں لے لیا۔

Qatari Minister of State for Foreign Affairs, Sultan bin Saad Al-Muraikhi receiving Prime Minister Muhammad Shehbaz Sharif and Pakistani delegation upon their arrival at Doha Airport. 16 April, 2026. pic.twitter.com/slcZ0VcKWj

— Prime Minister's Office (@PakPMO) April 16, 2026

تفصیلات کے مطابق وزیراعظم کا طیارہ جیسے ہی قطر کی فضائی حدود میں داخل ہوا تو قطری فضائیہ کے لڑاکا طیاروں نے اسے حفاظتی حصار میں لے کر ائیرپورٹ تک اسکارٹ کیا۔ اس موقع پر وزیراعظم شہباز شریف نے اس پرتپاک اور باوقار استقبال پر قطری قیادت اور پائلٹس کا شکریہ ادا کیا۔

یہ بھی پڑھیں:وزیراعظم شہباز شریف کی امیرِ قطر سے ملاقات، دونوں ملکوں کے مابین  تعلقات مزید مضبوط بنانے پر اتفاق، سیکیورٹی و توانائی تعاون بڑھانے کا عزم

سرکاری ذرائع کے مطابق یہ اقدام دونوں ممالک کے درمیان قریبی تعلقات اور باہمی احترام کی عکاسی کرتا ہے، جبکہ وزیراعظم کے دورے کو دوطرفہ روابط کے فروغ کے لیے اہم قرار دیا جا رہا ہے۔