برطانوی نشریاتی ادارے بی بی سی کے سابق ریڈیو ون ڈی جے اور معروف پروگرام پریزینٹر اینڈی کرشا 66 برس کی عمر میں انتقال کر گئے۔
اہلِ خانہ کی جانب سے ان کی وفات کی تصدیق اس اعلان کے صرف 2 ماہ بعد سامنے آئی ہے جس میں جنوری میں بتایا گیا تھا کہ گزشتہ برس اگست میں انہیں کینسر کی تشخیص ہوئی تھی۔
یہ بھی پڑھیں: بی بی سی کی ’آوازِ ہند‘ مارک ٹلی 90 برس کی عمر میں چل بسے
رپورٹس کے مطابق وہ ریڑھ کی ہڈی میں رسولیوں کا شکار تھے، جس کے باعث وہ چلنے سے بھی معذور ہو گئے تھے۔
اینڈی کرشا نے 1985 سے 15 برس تک بی بی سی ریڈیو ون میں خدمات انجام دیں، جس کے بعد وہ بی بی ی ریڈیو 4 سے وابستہ رہے۔
Former Radio 1 DJ and Live Aid presenter Andy Kershaw dies aged 66https://t.co/WY7XL59N1S
— LocalToOssett (@LocalToOssett) April 17, 2026
انہوں نے موسیقی کے ساتھ ساتھ عالمی تنازعات پر بھی رپورٹنگ کی، جن میں روانڈا نسل کشی اور 2001 میں سیرا لیون خانہ جنگی شامل ہیں۔
وہ بی بی سی کی جانب سے نشر کیے گئے مشہور چیرٹی کنسرٹ لائیو ایڈ کی ٹی وی کوریج کے میزبانوں میں بھی شامل تھے۔
یہ عظیم کنسرٹ ایتھوپیا میں قحط سے متاثرہ افراد کے لیے فنڈز جمع کرنے کے لیے منعقد کیا گیا تھا، جسے بوب جیلڈوف اور مج ایوری نے منظم کیا تھا۔
مزید پڑھیں: بی بی سی کے چیئرمین سمیر شاہ کے مبینہ بھارتی روابط پر سوالات، ایڈیٹوریل آزادگی پر خدشات
ان کی بہن لز کرشا بھی اسی دور میں بی بی سی ریڈیو ون سے وابستہ رہیں۔
اینڈی کرشا نے بی بی سی ریڈیو 3 پر بھی کام کیا، جہاں ان کے بقول وہ موسیقی کی حدود کو نظرانداز کرتے ہوئے مختلف انداز کو یکجا کرتے رہے۔
کچھ ذاتی مسائل کے باعث وہ کئی برس تک نشریات سے دور رہے۔
مزید پڑھیں: ٹرمپ کے بارے میں ڈاکومنٹری کی متنازع ایڈیٹنگ، بی بی سی کا ایک اور عہدیدار مستعفی
2008 میں ایک عدالتی حکم کی خلاف ورزی پرانہیں 3 ماہ قید کی سزا بھی سنائی گئی تھی، جس میں انہیں اپنی سابقہ ساتھی سے رابطہ کرنے سے روکا گیا تھا۔
بعد ازاں 2011 میں انہوں نے بی بی سی ریڈیو پر واپس آتے ہوئے ایک نیا میوزک پروگرام پیش کیا، جو ہیومن پلانیٹ سے وابستہ تھا۔
