اسلام آباد میں غیر ملکی وفود کی آمد کے پیش نظر ضلعی انتظامیہ نے راستوں کی بندش سے متعلق اہم بیان جاری کر دیا ہے۔
ضلعی انتظامیہ کے مطابق پیٹرولیم مصنوعات، اشیاء خوردونوش اور ادویات کی ترسیل کرنے والی گاڑیوں کو شہر میں داخلے کی خصوصی اجازت دی گئی ہے۔
اس سلسلے میں انتظامیہ اشیاء خوردونوش، سبزی و پھل ڈسٹری بیوٹرز، ڈرگ ریگولیٹری اتھارٹی، فارماسیوٹیکل انڈسٹری اور پیٹرول پمپس مالکان و سپلائرز کے ساتھ مسلسل رابطے میں ہے۔
یہ بھی پڑھیں:اسلام آباد مذاکرات: ریڈ زون سیل اور ٹریفک کا جامع پلان نافذ، ایڈوائزری جاری
بیان میں کہا گیا ہے کہ ان تمام کیٹیگریز سے متعلق کسی بھی قسم کی گاڑی کو نہیں روکا جا رہا، تاہم تاحکم ثانی ہیوی ٹرانسپورٹ کے اسلام آباد میں داخلے پر پابندی برقرار رہے گی۔
یہ بھی پڑھیں: غیر ملکی وفود کی آمد، اسلام آباد پولیس کی جانب سے شہریوں کے لیے ٹریفک ایڈوائزری جاری
انتظامیہ نے شہریوں کو ہدایت کی ہے کہ کسی بھی دشواری کی صورت میں کنٹرول روم نمبر 051 9108084 پر 24 گھنٹے رابطہ کیا جا سکتا ہے۔
