مسجد نبویؐ کے تعمیراتی ارتقا کو اجاگر کرنے والا ایک نیا تحقیقی انسائیکلوپیڈیا شائع کیا گیا ہے جو صدیوں پر محیط اس عظیم اسلامی ورثے کی ترقی کو تفصیل سے بیان کرتا ہے۔
یہ بھی پڑھیں: مسجد نبوی میں خودکار چھتریاں زائرین کے لیے آرام دہ ماحول فراہم کرنے لگیں
سعودی پریس ایجنسی کے مطابق یہ منصوبہ المدینہ المنورہ ریسرچ اینڈ اسٹڈیز سینٹر کی جانب سے شائع کیا گیا ہے جس کا مقصد مسجد نبویؐ کی تاریخ اور اس کی خصوصیات کو جدید تحقیقی طریقوں اور مضبوط علمی بنیادوں پر محفوظ کرنا ہے۔
انسائیکلوپیڈیا میں مسجد نبویؐ کی تعمیر و توسیع کے مختلف ادوار کا احاطہ کیا گیا ہے جس میں عہدِ نبویؐ سے لے کر اسلامی تاریخ کے مختلف ادوار اور بالآخر سعودی دور کی وسیع توسیعات شامل ہیں جنہوں نے مسجد کی گنجائش میں اضافہ کیا جبکہ اس کی روحانی اور تعمیراتی شناخت کو برقرار رکھا گیا۔
اس کے علاوہ اس علمی کام میں مسجد کے اہم تعمیراتی عناصر جیسے برآمدے، گنبد اور میناروں کا تجزیاتی جائزہ بھی پیش کیا گیا ہے جس میں ان کے عملی اور جمالیاتی ارتقا کو واضح کیا گیا ہے ساتھ ہی دیگر متعلقہ مقامات کا ذکر بھی شامل ہے جو مسجد کے مذہبی اور تہذیبی کردار کو اجاگر کرتے ہیں۔
مزید پڑھیے: مسجد نبوی ﷺ میں معذور افراد و بزرگوں کے لیے خصوصی سہولیات کی فراہمی
یہ منصوبہ سعودی عرب کے اس عزم کی عکاسی کرتا ہے کہ وہ حرمین شریفین کی خدمت اور اسلامی ورثے کے تحفظ کے لیے علمی و تحقیقی منصوبوں کو فروغ دے رہا ہے۔
مزید پڑھیں: مسجد نبویؐ کے صحن میں پُرنم ہوائیں پھیلانے والے پنکھوں میں خاص کیا ہے؟
ماہرین کے مطابق یہ انسائیکلوپیڈیا مسجد نبویؐ کی تعمیراتی تاریخ کو محفوظ بنانے میں ایک اہم سنگِ میل ثابت ہوگا اور محققین، طلبہ اور ثقافتی و تاریخی دلچسپی رکھنے والوں کے لیے ایک قیمتی حوالہ فراہم کرے گا۔
