پاکستان ایئرپورٹس اتھارٹی (پی اے اے) نے فیصل آباد گرین فیلڈ ایئرپورٹ کے لیے فزیبلٹی اسٹڈی، ماسٹر پلاننگ اور ڈیزائن کے عمل کا آغاز کر دیا ہے۔
اس منصوبے کے سلسلے میں عالمی شہرت یافتہ کنسلٹنٹس ڈار الہندسہ (جوائنٹ وینچر او سی ایل-ایشین) کے ساتھ معاہدہ بھی طے پا گیا ہے۔
یہ بھی پڑھیے: پاراچنار ایئرپورٹ دوبارہ فعال، کامیاب آزمائشی پروازوں کے بعد آپریشنل قرار
حکام کے مطابق یہ منصوبہ وسطی پنجاب میں فضائی رابطوں کی بہتری، تجارت کے فروغ اور معاشی ترقی میں اہم کردار ادا کرے گا۔ نئے ایئرپورٹ کو جدید سہولیات اور بین الاقوامی معیار کے مطابق ڈیزائن کیا جائے گا۔
اس سے قبل خیبر پختونخوا کے ضلع کرم میں واقع پاراچنار ایئرپورٹ کو طویل عرصے بعد دوبارہ فعال کر دیا گیا ہے، جسے فرنٹیئر ورکس آرگنائزیشن اور پاکستان ایئرپورٹس اتھارٹی کی مشترکہ کاوشوں سے آپریشنل بنایا گیا۔
