پاکستانی شوبز شخصیات کی جانب سے مصنوعی ذہانت (اے آئی) کی مدد سے تیار کیے گئے خیالی میٹ گالا 2026 کے ملبوسات سوشل میڈیا پر توجہ کا مرکز بن گئے ہیں۔ دنیا کے سب سے بڑے فیشن ایونٹ Met Gala کے دوران سامنے آنے والے ان منفرد ڈیزائنز نے نہ صرف صارفین کو حیران کیا بلکہ فیشن میں اے آئی کے بڑھتے ہوئے کردار پر بھی نئی بحث چھیڑ دی ہے۔
اداکاروں اور ماڈلز نے اے آئی ٹولز کی مدد سے مختلف ملبوسات اور انداز تیار کیے، تاہم بیشتر ڈیزائنز کو صارفین کی جانب سے ملا جلا ردِعمل ملا۔ بعض افراد نے انہیں تخلیقی قرار دیا جبکہ کئی صارفین نے انہیں غیرمتوازن اور اصل تھیم سے ہٹ کر قرار دیا۔
اظفر رحمان کا منفرد انداز
View this post on Instagram
اداکار اظفر رحمان کا لباس ان چند ڈیزائنز میں شامل تھا جسے نسبتاً مثبت ردِعمل ملا۔ ان کا ’میٹ گالا لک‘ بارسلونا کی تاریخی عمارت لا پیڈریرا سے متاثر ایک سوٹ اور کیپ پر مشتمل تھا جسے ہسپانوی معمار Antoni Gaudí کے فنِ تعمیر سے جوڑا گیا۔ مبصرین کے مطابق یہ ڈیزائن تقریب کے ’فیشن بطور فن‘ کے تصور سے قریب دکھائی دیا۔
طوبیٰ صدیقی کا ’گوتھ ٹرک آرٹ‘ تجربہ
View this post on Instagram
ماڈل و اداکارہ طوبیٰ صدیقی نے اپنے لباس میں دیسی ٹرک آرٹ اور گوتھک عناصر کو یکجا کرنے کی کوشش کی۔ سیاہ رنگ، کھوپڑیوں اور بھاری لوازمات سے مزین اس لباس کو سوشل میڈیا صارفین نے غیرمعمولی مگر متنازع انداز قرار دیا۔
صرحا اصغر کا آرٹ گیلری سے متاثر لباس
View this post on Instagram
داکارہ صرحا اصغر کے لباس میں خالی تصویری فریم نمایاں تھے جسے بعض صارفین نے جدید سوشل میڈیا کلچر پر طنز قرار دیا جبکہ دیگر کے نزدیک یہ اے آئی کی حد سے زیادہ لفظی تشریح کی مثال تھی۔
حنا الطاف کا کلاسیکی انداز
View this post on Instagram
حنا الطاف کا لباس روایتی اور کلاسیکی طرز کا حامل تھا، جس میں سنہری کڑھائی اور مینڈارن کالر نمایاں تھے۔ اگرچہ ناقدین کے مطابق یہ موجودہ میٹ گالا تھیم سے مطابقت نہیں رکھتا تھا تاہم کئی افراد نے اسے خوبصورت اور پہننے کے قابل ڈیزائن قرار دیا۔
احمد علی بٹ
احمد علی بٹ کے اے آئی ڈیزائن میں سولر پینلز سے مزین پروں اور ’نو گیس‘ لکھے سلنڈر کے ذریعے توانائی بحران اور قابلِ تجدید توانائی کا پیغام دینے کی کوشش کی گئی۔
