پاکستان مسلم لیگ (ن) کے قائد نواز شریف کی جانب سے گلگت بلتستان اسمبلی انتخابات کے لیے پارٹی ٹکٹس جاری کر دیے گئے ہیں۔ پارٹی کی جانب سے مختلف حلقوں کے لیے نامزد امیدواروں کا اعلان کر دیا گیا۔
جاری کردہ فہرست کے مطابق جی بی اے-1 گلگت-1 سے شفیق الدین، جی بی اے-2 گلگت-2 سے حافظ حفیظ الرحمٰن، جی بی اے-3 گلگت-3 سے محمد اقبال، جی بی اے-6 ہنزہ سے شہزادہ سلیم کو پارٹی ٹکٹ جاری کیا گیا ہے۔
یہ بھی پڑھیے: گلگت بلتستان الیکشن: پیپلز پارٹی نے ٹکٹ ہولڈرز کا اعلان کردیا، ن لیگ کی لسٹ بھی فائنل
اسی طرح جی بی اے-7 اسکردو-1 سے محمد اکبر خان، جی بی اے-8 اسکردو-2 سے امتیاز حیدر خان، جی بی اے-9 اسکردو-3 سے اجمل حسین، جی بی اے-10 کھرمنگ سے سید محسن رضوی، جی بی اے-12 شگر سے محمد طاہر انہار شگری کو امیدوار نامزد کیا گیا ہے۔
فہرست کے مطابق جی بی اے-13 استور-1 سے فرمان علی، جی بی اے-14 استور-2 سے رانا محمد فاروق، جی بی اے-15 دیامر-1 سے عبد الوجد، جی بی اے-16 دیامر-2 سے انجینئر محمد انور، جی بی اے-17 دیامر-3 سے محمد زمان جبکہ جی بی اے-18 دیامر-4 سے ملک کفایت الرحمٰن کو پارٹی ٹکٹ جاری کیا گیا۔
یہ بھی پڑھیے: گلگت بلتستان میں انتخابات کی تیاریاں تیز، نواز شریف کی ہدایت پر امیر مقام کا 2 روزہ اہم دورہ
اس کے علاوہ جی بی اے-19 غذر ایک سے ظفر محمد، جی بی اے-20 غذر 2 سے عبدالجہان، جی بی اے-21 غذر-3 سے غلام محمد اور جی بی اے-22 گانچھے-1 سے محمد ابراہیم ثنائی کو پاکستان مسلم لیگ (ن) کا امیدوار نامزد کیا گیا ہے۔
واضح رہے کہ گلگت بلتستان میں عام انتخابات 7 جون کو ہونے جارہے ہیں، اور الیکشن کمیشن نے باضابطہ شیڈول بھی جاری کردیا ہے۔
مسلم لیگ ن کے صدر نواز شریف آزاد کشمیر اور گلگت بلتستان کے انتخابات میں دلچسپی لے رہے ہیں اور انہوں نے پارٹی رہنماؤں کو ہدایات جاری کی ہیں کہ تمام تر اختلافات بھلا کر پارٹی کی کامیابی کے لیے اقدامات کیے جائیں۔
