سپارکو نے پاکستان میں عیدالاضحیٰ 27 مئی کو ہونے کا امکان ظاہر کرتے ہوئے کہا ہے کہ ذوالحج 1447 ہجری کا نیا چاند 17 مئی کو رات ایک بج کر ایک منٹ پر پیدا ہونے کی توقع ہے۔
مزید پڑھیں: عیدالاضحیٰ کے پیشِ نظر سرکاری ملازمین اور پینشنرز کو 22 مئی تک ادائیگی کا حکم
اعلامیے کے مطابق 17 مئی کو غروبِ آفتاب کے وقت چاند کی عمر قریباً 18 گھنٹے 30 منٹ ہوگی جبکہ پاکستان کے ساحلی علاقوں میں غروبِ آفتاب اور غروبِ ماہتاب کے درمیان قریباً 60 منٹ کا وقفہ متوقع ہے۔
سپارکو کا کہنا ہے کہ ان فلکیاتی اعداد و شمار کی بنیاد پر 17 مئی کی شام ذوالحج کا چاند نظر آنے کے امکانات روشن ہیں، بشرطیکہ موسم صاف اور افق کے قریب حدِ نگاہ بہتر ہو۔
مزید پڑھیں: اسلام آباد: عیدالاضحیٰ کے لیے 6 مویشی منڈیاں قائم، شہری صرف سرکاری منڈیوں سے ہی جانور خریدیں، انتظامیہ
ادارے کے مطابق یکم ذوالحج 18 مئی بروز پیر متوقع ہے جو ماہِ ذوالقعدہ کے اختتام کی علامت ہوگا۔ تاہم ذوالحج کے چاند کی رویت اور نئے اسلامی مہینے کے آغاز کا حتمی اعلان مرکزی رویتِ ہلال کمیٹی کرے گی۔
