ٹیکنالوجی کمپنی میٹا نے مصنوعی ذہانت کے ساتھ حساس موضوعات پر گفتگو کو محفوظ بنانے کے لیے ایک نیا فیچر ’انکوگنیٹو چیٹ‘متعارف کروانے کا اعلان کیا ہے۔
یہ فیچر ان صارفین کے لیے ڈیزائن کیا گیا ہے جو اے آئی سے مالی، طبی یا پیشہ ورانہ نوعیت کے نجی سوالات پوچھتے ہیں اور اپنی معلومات کو مکمل طور پر خفیہ رکھنا چاہتے ہیں۔
کمپنی کا دعویٰ ہے کہ یہ اینڈ ٹو اینڈ انسکرپشن کی طرز پر بنایا گیا ہے، جس کا مطلب ہے کہ آپ کی گفتگو میٹا سمیت کوئی دوسرا شخص نہیں دیکھ سکے گا۔
یہ بھی پڑھیں: نازیبا گفتگو کرنے پر میٹا کا ’بے قابو‘ اے آئی چیٹ بوٹ زیرعتاب، انکوائری جاری
میٹا کے مطابق، دیگر ایپس میں موجود انکوگنیٹو موڈز کے برعکس، میٹا اے آئی کی یہ ’انکوگنیٹو چیٹ‘ ٹیکنالوجی کے اس درجے پر ہے جہاں میٹا خود بھی صارفین کے سوالات یا اے آئی کے جوابات تک رسائی نہیں رکھتا۔
today we're launching Incognito Chat with Meta AI, a new way to have completely private conversations with AI. built on top of our Private Processing technology, Incognito Chat lets you talk to Meta AI in a way that is invisible to anyone else.
when you start an Incognito Chat…
— WhatsApp (@WhatsApp) May 13, 2026
یہ سسٹم ’پرائیویٹ پروسیسنگ‘ ٹیکنالوجی پر مبنی ہے، جس کے تحت پیغامات ایک محفوظ ماحول میں پروسیس ہوتے ہیں اور گفتگو ختم ہونے پر خود بخود غائب ہوجاتے ہیں۔
اس طرح صارفین کو ایک ایسی جگہ فراہم کی گئی ہے جہاں وہ کسی ڈر یا نگرانی کے بغیر اپنے خیالات اور ڈیٹا کا تبادلہ کرسکیں۔
یہ بھی پڑھیں: واٹس ایپ کا صارفین کی سیکیورٹی مزید مضبوط بنانے کے لیے نیا پاس ورڈ فیچر متعارف کرانے کا فیصلہ
کمپنی نے مزید انکشاف کیا ہے کہ آنے والے مہینوں میں واٹس ایپ پر ’سائیڈ چیٹ‘ کا فیچر بھی متعارف کروایا جائے گا۔ یہ فیچر کسی بھی چلتی ہوئی گفتگو کے دوران پسِ منظر میں نجی طور پر اے آئی سے مدد لینے کی سہولت فراہم کرے گا، تاکہ اصل چیٹ متاثر نہ ہو۔
میٹا کا کہنا ہے کہ ’انکوگنیٹو چیٹ‘ فیچر مرحلہ وار واٹس ایپ اور میٹا اے آئی ایپ پر رول آؤٹ کیا جا رہا ہے، جو عالمی سطح پر صارفین کی پرائیویسی کو ایک نئی جہت عطا کرے گا۔
