نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے۔
ترجمان دفتر خارجہ کے مطابق کویتی وزیر خارجہ نے وزیراعظم، فیلڈ مارشل اور نائب وزیراعظم و وزیر خارجہ کی جانب سے امریکا اور ایران کے درمیان مذاکرات اور روابط کے فروغ کے لیے کی جانے والی امن کوششوں کو سراہا۔
DPM/FM Senator Mohammad Ishaq Dar @MIshaqDar50 spoke today with Kuwait’s Foreign Minister, H.E. Sheikh Jarrah Jaber Al-Ahmad Al-Sabah.
FM Sheikh Jarrah appreciated the peace efforts undertaken by the Prime Minister, Field Marshal, and Deputy Prime Minister/Foreign Minister of… pic.twitter.com/r1EMtjeLb3
— Ministry of Foreign Affairs – Pakistan (@ForeignOfficePk) May 13, 2026
انہوں نے علاقائی امن اور استحکام کے لیے پاکستان کے مثبت اور تعمیری کردار کی بھی تعریف کی۔
دونوں رہنماؤں نے آبنائے ہرمز کی بندش کے عالمی معیشت پر ممکنہ اثرات پر تبادلہ خیال کیا اور موجودہ صورتحال کے پرامن اور دیرپا حل کی امید کا اظہار کیا۔
نائب وزیراعظم و وزیرِ خارجہ اسحاق ڈار نے اس موقع پر حکومت پاکستان کی خطے اور اس سے باہر امن و استحکام کے لیے تمام سفارتی کوششیں جاری رکھنے کے عزم کا اعادہ کیا۔
